سینئر اداکار محمد احمد کے بعد یاسر حسین اور احمد علی بٹ بھی معاوضہ ادائیگی پر بول پڑے

یاسر حسین کا پیغام

لاہور (ڈیلی پاکستان آن لائن) اداکار یاسر حسین نے اپنی انسٹاگرام اسٹوری میں لکھا کہ اداکارہ حمیرا اصغر چل بسیں، اب ان کی مغفرت کے لیے دعا کرنی چاہیے لیکن محمد احمد جیسے لیجنڈ اداکار زندہ ہیں، ان کے لیے بات کریں۔ انہوں نے لکھا کہ کوئی قانون بنایا جانا چاہیے، کام کروانے والوں کو کچھ خیال کرنا چاہیے، وہ وقت پر معاوضہ ادا کریں۔

یہ بھی پڑھیں: یوٹیلیٹی سٹورز پر چینی 13روپے فی کلو سستی

بروقت معاوضہ کی اہمیت

ڈان نیوز کے مطابق یاسر حسین نے لکھا کہ بروقت معاوضہ ملنے پر لوگ خوش رہیں گے، اس لیے اداکاروں کو وقت پر معاوضہ ملنا چاہیے۔

یہ بھی پڑھیں: نام نہاد پرامن احتجاج کی آڑ میں پولیس، رینجرز پر حملے قابل مذمت ہیں، وزیراعظم کا رینجرز اہلکاروں کی شہادت پر اظہار افسوس

احمد علی بٹ کا بیان

اداکار احمد علی بٹ نے بھی اپنی انسٹاگرام اسٹوری میں لکھا کہ عام طور پر پروڈکشن ہاؤسز اور ٹی وی چینلز کی جانب سے کسی کو بھی معاوضہ دینے کا وقت 60 سے 90 دن تک کا ہوتا ہے لیکن تاخیر سے معاوضہ دینا انڈسٹری کا اسٹینڈرڈ بن چکا ہے۔

ٹی وی چینلز منتظمین اور پروڈکشن ہاؤسز سے لے کر کارپوریٹ سیکٹر کے اسپانسرز بھی مشکل سے 60 سے 90 دن کے اندر پیسے دیتے ہیں۔

یہ بھی پڑھیں: آئی فون 17 کو 9 ستمبر کو متعارف کروایا جائے گا، کمپنی کے سربراہ نے تاریخ کی تصدیق کر دی

ادائیگی میں مشکلات

احمد علی بٹ نے لکھا کہ انڈسٹری میں کچھ لوگ ہی ہیں جو بر وقت معاوضہ ادا کرتے ہیں، باقی سب کی کوشش ہوتی ہے کہ کام کرنے والے افراد اپنا معاوضہ بھیک کی طرح مانگیں۔

انہوں نے یہ بھی لکھا کہ اپنا معاوضہ بھیک کی طرح مانگنے کے باوجود پوری رقم ایک ساتھ نہیں دی جاتی، معاوضے کو قسطوں میں فراہم کیا جاتا ہے۔

محمد احمد کی پریشانی

ان سے قبل سینئر اداکار محمد احمد نے ویڈیو پیغام میں بتایا تھا کہ اداکاروں کو کام کا معاوضہ بھیک کی طرح مانگنا پڑتا ہے۔ پروڈکشن ہاؤسز و ٹی وی چینلز بروقت ادائیگیاں نہیں کرتے، جس وجہ سے اداکار مالی مشکلات کا شکار رہتے ہیں۔