اولمپیئن ارشد ندیم کی بائیں پنڈلی کی سرجری کی فیصلہ

ارشد ندیم کا چیک اپ اور سرجری کا فیصلہ

لندن (ڈیلی پاکستان آن لائن) اولمپیئن ارشد ندیم کی لندن میں بائیں پنڈلی کا چیک اپ ہوا جس کے بعد ان کی سرجری کرنے کا فیصلہ کیا گیا ہے۔ کیمبرج اسپتال کے ڈاکٹر علی باجوہ نے کہا کہ ارشد کی بائیں پنڈلی کا معائنہ کیا گیا ہے، جس کے بعد ہم اس کی سرجری کریں گے اور پھر ری ہیب کروائیں گے۔

یہ بھی پڑھیں: اکثریتی فیصلے پر عملدرآمد ضروری نہیں، مخصوص نشستوں کے فیصلے میں چیف جسٹس کا اختلافی نوٹ

مکمل ری ہیب کی ضرورت

ایکسپریس نیوز کے مطابق ڈاکٹرز کا کہنا ہے کہ مقابلے سے پہلے ارشد ندیم کا مکمل ری ہیب کرنا ہوگا۔ انشااللہ وہ جلد دوبارہ پہلے کی طرح ایکشن میں دکھائی دیں گے۔ ارشد ندیم گزشتہ روز لندن پہنچے تھے۔

مقابلوں کی تیاری

پنڈلی میں کھچاؤ کی وجہ سے انہیں پولینڈ میں اگلے ماہ شیڈول مقابلے سے دستبردار ہونا پڑا تھا۔ اب ان کا ہدف سوئٹزرلینڈ میں شیڈول ڈائمنڈ لیگ میں شرکت کرنا ہے، جو اگست کے تیسرے ہفتے میں ہوگی۔ اس کے بعد تیرہ ستمبر سے ٹوکیو ورلڈ اتھلیٹکس چیمپین شپ میں وہ حصہ لیں گے۔