سینئر اینکر پرسن جیسمین منظور کا سابق شوہر پر تشدد کا الزام، 4 جون سے 16 جولائی کے درمیان کیا ہوتا رہا؟
سینئر اینکر جیسمین منظور کی تصویر شیئر
اسلام آباد (ڈیلی پاکستان آن لائن) سینئر اینکر پرسن جیسمین منظور نے خود پر ہونے والے مبینہ گھریلو تشدد کی تصویر شیئر کردی۔
یہ بھی پڑھیں: خیبرپختونخوا میں 2005کے زلزلہ سے متاثر سکولوں کی بحالی کیلئےمکمل پلان طلب
موبائل گیلری کی سکرین شاٹ
جیسمین منظور نے اپنی موبائل گیلری کا ایک سکرین شارٹ شیئر کیا ہے جس میں ان کی آنکھ سوجی ہوئی نظر آرہی ہے۔ اگر اس تصویر کو زوم کرکے دیکھا جائے تو اندازہ ہوتا ہے کہ ان کے موبائل میں مزید تصاویر بھی موجود ہیں جن میں چہرے کے مختلف اینگلز عکس بند کیے گئے ہیں اور بظاہر لگتا ہے کہ انہیں شدید تشدد کا نشانہ بنایا گیا۔ اس کے ساتھ ہی کچھ تصاویر میڈیکل رپورٹس کی بھی ہیں۔
یہ بھی پڑھیں: بیرون ملک مقیم پاکستانیوں نے 4ماہ میں 11.84ارب ڈالر پاکستان بھیجے، سٹیٹ بینک
جون 4 کی تصویر کی اہمیت
جیسمین منظور کی طرف سے شیئر کی گئی تصویر 4 جون کی ہے۔ وہ اس حوالے سے آواز تو اٹھاتی رہی ہیں لیکن ان کی آواز موثر طور پر سنی نہیں گئی۔
یہ بھی پڑھیں: PAAPAM کی جانب سے پاکستان آٹوپارٹس شو 2024 کے حوالے سے پری ایونٹ پریس کانفرنس کا انعقاد
سابق شوہر کے حمایتیوں کے لئے پیغام
انہوں نے اپنے ایک اور ٹویٹ میں ان لوگوں کو مخاطب کیا جنہوں نے ان کے سابق شوہر کی طرف داری کی اور اپنے زخمی چہرے کی تصویر کے ساتھ لکھا " یہ ان لوگوں کیلئے ہے جنہوں نے ایک مجرم کی طرف داری کی، یہ میرے سابق شوہر کا دیا گیا تحفہ ہے۔"
یہ بھی پڑھیں: پہلے ٹی20 میں رضوان کی سب سے بڑی غلطی جو امپائرز کی نظروں بچ گئی
ایلون مسک کو شکایت
جس دن یعنی 4 جون کو جیسمین منظور پر مبینہ تشدد ہوا، اسی دن انہوں نے ایکس کے مالک ایلون مسک کو ٹیگ کرکے خود پر ہونے والے تشدد کی شکایت کی لیکن اس پوسٹ پر زیادہ لوگوں نے توجہ نہیں دی۔ اس پوسٹ کو ایکس پر صرف ساڑھے 10 ہزار لوگوں نے دیکھا۔ اس پوسٹ میں انہوں نے کہا "ایلون مسک کے لیے: مجھے نہیں معلوم کہ آپ اپنے پیغامات پڑھتے ہیں یا نہیں، کیونکہ آپ ایک نہایت مصروف انسان ہیں۔ میں پاکستان سے تعلق رکھنے والی ایک خاتون صحافی ہوں اور مجھے آپ کی مدد درکار ہے۔ یہ خواتین کے خلاف تشدد اور ہراسانی کے خلاف ایک جدوجہد کا معاملہ ہے۔ میں خود اس کا شکار ہوں، اور چاہتی ہوں کہ آپ اس معاملے میں میری مدد کریں۔"
یہ بھی پڑھیں: سرفراز احمد کی کپتانی کی صلاحیت بابر، رضوان، شاہین اور سلمان آغا سے زیادہ تھی: باسط علی
سی این این کو ٹیگ کرتے ہوئے
اسی روز انہوں نے ایک اور پوسٹ میں سی این این کو ٹیگ کیا اور کہا "یہ کہانی دنیا کو سنائی جانی چاہیے، میری کہانی جس میں مجھے تشدد، بدسلوکی اور زیادتی کا نشانہ بنایا گیا۔ میں پاکستان سے تعلق رکھنے والی ایک صحافی ہوں، اگر میرے ساتھ یہ سب کچھ ہوا، تو ذرا تصور کریں اُن بے شمار خواتین کا جو آج بھی تنہا اپنی جنگ لڑ رہی ہیں، بغیر کسی مدد کے۔" ان کی ایکس پر کی گئی اس پوسٹ کے ویوز تین ہزار سے بھی کم ہیں۔
یہ بھی پڑھیں: لاہور پولیس کا خواتین پر بھی تھانے میں تشدد کا انکشاف، باوردی اہلکار نے ہی بھانڈا پھوڑ دیا
گھر توڑنے کا الزام
9 جون کو کی گئی ایک پوسٹ میں انہوں نے کسی خاتون پر گھر توڑنے کا الزام لگایا۔
یہ بھی پڑھیں: پاکستان کو گزشتہ مالی سال کے دوران 14 ارب 14کروڑ ڈالرز کی غیرملکی فنڈنگ ملی
جنسی ہراسانی پر ڈاکیومنٹری کا اعلان
14 جون کو جیسمین منظور نے جنسی ہراسانی پر ڈاکیومنٹری بنانے کا اعلان کیا اور متاثرہ خواتین سے درخواست کی کہ ان کے ساتھ رابطہ کریں۔
آخر میں دعا
18 جون کو انہوں نے ایک پوسٹ کی اور لکھا " اے خدا تیرا شکر ہے کہ تو نے مجھے ایک منافق مرد اور منافق عورت سے بچایا۔ انہوں نے میری زندگی تباہ کردی، میں ان کا معاملہ اللہ اور آخرت پر چھوڑتی ہوں۔"
