علیمہ باجی نے کل آکر بتایا کہ عمران خان نے کہا ہے کہ ان کی ٹوئیٹ کو ری ٹوئیٹ کیا کریں: عظمیٰ بخاری

پنجاب کی وزیراطلاعات کا بیان

لاہور (ویب ڈیسک) وزیراطلاعات پنجاب عظمیٰ بخاری نے کہا ہے کہ "علیمہ باجی نے کل آکر بتایا کہ عمران خان نے کہاہے کہ ان کی ٹوئیٹ کو ری ٹوئیٹ کیا کریں، بات یہاں تک آگئی، اس سے آگے آپ خود سمجھدار ہیں"۔ وہ یہاں پریس کانفرنس سے خطاب کررہی تھیں۔

یہ بھی پڑھیں: الیکشن کمیشن نے عادل خان بازئی کو ڈی سیٹ کر دیا

سیاسی صورتحال پر سخت تنقید

صوبائی وزیراطلاعات کا کہنا تھا کہ ملک میں ایسا "پٹ سیاپا" پروگرام بھی چل رہا ہے جس کا کوئی اختتام ہی نہیں۔ مجھے کبھی کبھار تو لگتا ہے کہ ساس بہو کی لڑائی ہے، یہ عجیب ہی کھچڑی پکی ہوئی ہے، علیمہ باجی روز آکر ایک نئی کہانی سنادیتی ہیں، وہ کہتی ہیں کہ وہ ڈٹ کر کھڑے ہیں، اور ساتھ ہی رونا شروع کردیتی ہیں کہ یہ نہیں ملا، وہ نہیں ملا۔

یہ بھی پڑھیں: بجلی کی تقسیم کار کمپنیوں کی جانب سے اووربلنگ کے ذریعے 244 ارب بٹورنے کا انکشاف

عمران خان کی جیل کی سہولیات

عظمیٰ بخاری نے مزید کہا کہ سپریٹنڈیٹ جیل کی جانب سے عمران خان کو جیل میں دستیاب سہولیات کی فہرست سامنے آئی ہے۔ کسی فائیو سٹار ہوٹل میں بھی کیا سہولیات دستیاب ہوں گی جو انہیں جیل میں دستیاب ہیں۔ ایکس پر ٹوئیٹ بھی کراتے ہیں اور اب عالم یہ ہے کہ انہیں ری ٹوئیٹ کی اپیل بھی کرنا پڑ گئی۔

علیمہ باجی کی افسوسناک حقیقت

عظمیٰ بخاری نے کہا کہ "کل علیمہ کو سنا بڑا دکھ ہوا کہ یہ دن آگئے، کبھی کہتے تھے کہ اتنے فالوورز آگئے، ہم سب سے بڑی پارٹی ہیں، اب ری ٹوئیٹ کی بھی اپیل کرنی پڑرہی ہے۔ علیمہ باجی نے کل آکر بتایا کہ عمران خان نے کہاہے کہ ان کی ٹوئیٹ کو ری ٹوئیٹ کیا کریں، بات یہاں تک آگئی، اس سے آگے خود سمجھدار ہیں"۔