ڈیڑھ ماہ میں پیٹرولیم مصنوعات 29 روپے سے زائد مہنگی

پیٹرولیم مصنوعات کے نرخوں میں اضافہ

اسلام آباد (ڈیلی پاکستان آن لائن) پیٹرولیم مصنوعات کی قیمتیں ڈیڑھ ماہ کے اندر 29 روپے 71 پیسے فی لیٹر تک مہنگی ہوگئیں۔

یہ بھی پڑھیں: نیشنل سیکیورٹی اینڈ وار کورس کیلئے کن افسران کو نامزد کیا گیا ؟نام سامنے آ گئے

قیمتوں میں تبدیلی کی وجوہات

نجی ٹی وی جیونیوز کے مطابق، یکم جون سے لے کر اب تک پیٹرولیم مصنوعات کی قیمتوں میں 4 مرتبہ اضافہ کیا گیا ہے۔ صرف ڈیڑھ ماہ میں پیٹرول کی قیمت میں 19 روپے 52 پیسے اور ہائی اسپیڈ ڈیزل کی قیمت 29 روپے 71 پیسے فی لیٹر بڑھائی گئی۔

موجودہ اور سابقہ قیمتیں

پیٹرول کی قیمت 31 مئی 2025 کو 252 روپے 63 پیسے فی لیٹر تھی، جبکہ اس وقت پیٹرول کی قیمت 272 روپے 15 پیسے فی لیٹر ہے۔ دوسری جانب ہائی اسپیڈ ڈیزل کی قیمت 31 مئی 2025 کو 254 روپے 64 پیسے فی لیٹر تھی اور اس وقت ہائی اسپیڈ ڈیزل کی قیمت 284 روپے 35 پیسے فی لیٹر ہے۔