حمیرہ اصغر کیس: اداکارہ سے ان کے آخری ایام میں کون کون رابطے میں رہا؟

پاکستانی اداکارہ حمیرا اصغر کی تحقیقات

کراچی(ڈیلی پاکستان آن لائن) پاکستانی اداکارہ حمیرا اصغر کی پراسرار موت کے حوالے سے تحقیقات جاری ہیں۔

یہ بھی پڑھیں: پنجاب پبلک سروس کمیشن نے تحریری اور حتمی نتائج کا اعلان کر دیا

تحقیقات کے مراحل

نجی ٹی وی چینل جیو نیوز کے مطابق تفتیشی حکام کا کہنا ہے کہ حمیرا اصغر کے فلیٹ کی چابیاں تحویل میں لے لی گئی ہیں۔ فلیٹ کے مرکزی دروازے کی 3 چابیاں فلیٹ کے اندر سے ملی ہیں جبکہ بلڈنگ انتظامیہ، چوکیدار اور اداکارہ کی سابقہ گھریلو ملازمہ شامل تفتیش ہیں۔

یہ بھی پڑھیں: پاکستان میں الیکٹرک گاڑیوں کی تعداد 76 ہزار سے تجاوز کر گئی

تفتیشی حکام کی معلومات

تفتیشی حکام کا بتانا ہے کہ بلڈنگ انتظامیہ، چوکیدار اور گھریلو ملازمہ سے تفتیش کی گئی ہے۔ تمام لوگ اکتوبر 2024 تک حمیرا اصغر سے رابطے میں تھے جبکہ حمیرا کی ملازمہ 2024 میں ملازمت چھوڑ کے جاچکی تھی۔

یہ بھی پڑھیں: دفتر سے 15 لاکھ روپے کی چوری کا ڈراپ سین؛ آفس بوائے ہی ماسٹر مائنڈ نکلا

مالی مشکلات اور کام کے اشارے

تفتیشی حکام کے مطابق لگتا ہے کہ حمیرا اصغر مالی طور پر پریشان تھیں۔ انہوں نے ستمبر 2024 میں آخری کمرشل شوٹ کیا تھا اور وہ کام سے متعلق اکتوبر 2024 میں لوگوں سے رابطے میں تھیں۔