ملک کو آگے لے کر جانا ہے تو نواز شریف کو کردار ادا کرنے پر تیار کیا جانا چاہیے : جاوید لطیف

جاوید لطیف کی بیان

لاہور (ڈیلی پاکستان آن لائن) مسلم لیگ (ن) کے سینئر رہنما جاوید لطیف نے کہا ہے کہ عمران خان آج بھی موجودہ سسٹم کا حصہ بننے کے لیے بے تاب ہیں۔

یہ بھی پڑھیں: اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی

پاکستان کے سیاسی منظرنامے پر تبصرہ

''جیو نیوز'' کے مطابق ایک پروگرام میں گفتگو کرتے ہوئے جاوید لطیف نے کہا کہ تحریک انصاف کے جیل سے باہر رہنماؤں کے مفادات موجودہ سسٹم سے جڑے ہیں اورعمران خان آج بھی موجودہ سسٹم کا حصہ بننے کے لیے بے تاب ہیں۔ 9 مئی نے سسٹم کو پاؤں پر کھڑا کیا، جنرل باجوہ کی پہلی ایکسٹینشن میں بھی نواز شریف کی حتمی منظوری شامل نہیں تھی۔

نواز شریف کی اہمیت

جاوید لطیف نے مزید کہا کہ ملک کو آگے لے کر جانا ہے تو نواز شریف کو کردار ادا کرنے پر تیار کیا جانا چاہیے۔