پاکستان، افغانستان اور ازبکستان کے درمیان ریلوے معاہدہ طے پا گیا
پاکستان، افغانستان اور ازبکستان کے درمیان ریلوے معاہدہ
کابل (مانیٹرنگ ڈیسک) پاکستان، افغانستان اور ازبکستان کے درمیان ریلوے معاہدہ طے پا گیا۔ تینوں ممالک نے کابل میں یو اے پی (UAP) ریلوے منصوبے کے فیزیبلٹی سٹڈی معاہدے پر دستخط کردیئے۔
یہ بھی پڑھیں: وفاقی کابینہ نے یوٹیلٹی اسٹورز کو تحلیل کرنے اور خصوصی اقتصادی زونز قانون 2012 میں ترمیم کی منظوری دے دی۔
نائب وزیراعظم کا کابل کا دورہ
نائب وزیراعظم و وزیر خارجہ اسحاق ڈار ایک روزہ سرکاری دورے پر کابل پہنچے، جہاں اُن کا استقبال افغان نائب وزیر خارجہ محمد نعیم وردگ اور افغانستان میں پاکستان کے سفیر عبید الرحمان نظامانی نے کیا۔ اس موقع پر وفاقی وزیر ریلوے محمد حنیف عباسی، پاکستان کے نمائندہ خصوصی برائے افغانستان صادق خان اور وفاقی سیکرٹری ریلوے سید مظہر علی شاہ بھی نائب وزیراعظم کے ہمراہ موجود تھے۔
یہ بھی پڑھیں: اسپیکر ملک محمد احمد خان نے اپوزیشن کی ریکوزیشن پر پنجاب اسمبلی کا 35واں اجلاس 28 نومبر کو طلب کر لیا
افغان وزیر خارجہ سے ملاقات
افغانستان پہنچنے کے بعد نائب وزیر اعظم اسحاق ڈار کی افغانستان کے دارالحکومت کابل میں عبوری افغان وزیر خارجہ امیر خان متقی سے ملاقات بھی ہوئی۔ ملاقات کے دوران فریقین نے دوطرفہ تعلقات کے تسلسل پر زور دیتے ہوئے تجارت، ٹرانزٹ اور سکیورٹی میں تعاون بڑھانے پر اتفاق کیا۔ ملاقات کے بعد پاکستان، افغانستان اور ازبکستان نے یو اے پی ریلوے منصوبے کے فیزیبلٹی سٹڈی معاہدے پر دستخط کردیئے۔ یو اے پی منصوبہ ازبکستان، افغانستان اور پاکستان کو ریلوے لنک سے جوڑنے کے لیے ہے جو وسطی ایشیائی ریاستوں کو پاکستانی بندرگاہوں تک رسائی دے گا۔
یہ بھی پڑھیں: پنجاب کے تمام اسپیشل ایجوکیشن اداروں میں ہفتہ کے روز تعطیل کا اعلان
سوشل میڈیا پر مبارکباد
I congratulate the people & governments of Pakistan, Afghanistan, and Uzbekistan on the signing of the Framework Agreement on the Joint Feasibility Study for the Naibabad–Kharlachi rail link under the Uzbek–Afghan–Pak (UAP) Railway Corridor.
I also thank the Foreign Ministers… pic.twitter.com/HdVw4jm3Nt
— Ishaq Dar (@MIshaqDar50) July 17, 2025
یہ بھی پڑھیں: قلات: دہشتگردوں کی سیکیورٹی فورسز کی پوسٹ پر حملے کی کوشش،6 دہشتگرد ہلاک،فائرنگ کے تبادلے میں7 جوان شہید
معاہدے کی اہمیت
’’جیو نیوز‘‘ کے مطابق اسحاق ڈار نے سوشل میڈیا پر جاری پیغام میں پاکستان، افغانستان اور ازبکستان کی عوام کو مبارکباد دی۔ انہوں نے ازبکستان کے وزیر خارجہ بختیار سعیدوف اور افغانستان کے قائم مقام وزیرخارجہ کا شکریہ ادا کرتے ہوئے کہا کہ معاہدے پر بروقت دستخط ان کی حمایت اور عزم کا مظہر ہیں۔ یو اے پی (UAP) ریلوے کوریڈور علاقائی رابطے اور معاشی انضمام کے لیے ایک اہم سنگ میل ہے۔
منصوبے کی بنیاد
اسحاق ڈار نے مزید کہا کہ اس منصوبے کی بنیاد 2022-23 کی پی ڈی ایم حکومت کے دور میں رکھی گئی جب وزیراعظم شہباز شریف کی ہدایت پر انہیں دوست ممالک کے ساتھ اس منصوبے کی قیادت سونپی گئی اور ہم نے مشترکہ طور پر اس تاریخی اور انقلابی منصوبے کی بنیاد رکھی جو پورے خطے کے لیے گیم چینجر ثابت ہوگا۔
