If Muslims Unite, They Can Overcome Their Enemies: Ayatollah Khamenei’s Friday Prayer Address

ایرانی سپریم لیڈر کی مسلم اتحاد کی اپیل

تہران (ڈیلی پاکستان آن لائن) ایرانی سپریم لیڈر آیت اللہ خامنہ ای نے کہا ہے کہ قرآن کا درس ہے کہ مسلمان متحد ہوں، ہمارا دشمن ایک ہی ہے، اگر مسلمان متحد ہو جائیں تو دشمنوں پر قابو پا سکتے ہیں۔

یہ بھی پڑھیں: سینیٹر علامہ راجا ناصر عباس کو یونیورسٹی کو کالعدم ٹی ٹی پی کے خوارج کی جانب سے دھمکی موصول

خطبة جمعہ میں اہم پیغام

ایرانی سپریم لیڈر آیت اللہ خامنہ ای نے جامع مسجد تہران میں خطبہ جمعہ دیا۔ انہوں نے نماز جمعہ کے خطبے میں مسلم اتحاد پر زور دیا، اس موقع پر ایرانی صدر مسعود پزشکیان بھی موجود تھے۔ شہید حسن نصر اللہ اور دیگر شہداء کو خراج عقیدت پیش کیا گیا۔

یہ بھی پڑھیں: عالمی مارکیٹ میں پیٹرول اور ڈیزل کی قیمتوں میں بڑی کمی

فلسطین کی حمایت

آیت اللہ خامنہ ای نے کہا کہ ہر ملک کو اپنے دفاع کا حق ہے اور اسرائیل غزہ میں اپنی بربریت جاری رکھے ہوئے ہے۔ انہوں نے فلسطین پر ہونے والے اسرائیلی مظالم کی مذمت کی اور کہا کہ ہم فلسطینی عوام کے ساتھ ہیں، اور تمام ممالک کو بھی فلسطین کے ساتھ کھڑے ہونا چاہیے۔

یہ بھی پڑھیں: 299 بچوں اور مریضوں کے ساتھ زیادتی کرنے والے ڈاکٹر کو سزا سنادی گئی

امت مسلمہ کے دشمن

انہوں نے مزید کہا کہ امت مسلمہ کے دشمن مشترک ہیں۔ ایران کا دشمن فلسطین، لبنان، عراق، مصر، شام، اور یمن کا بھی دشمن ہے۔ قرآن میں مومنین کے اتحاد سے مراد رحمت الٰہی ہے، مسلمان اگر متحد ہو جائیں تو دشمنوں پر قابو پا سکتے ہیں۔ ہماری مسلح افواج نے جو کام کیا ہے وہ خطے میں اسرائیل کو کم سے کم جواب ہے۔

یہ بھی پڑھیں: ایران کو بھیجی گئی 15 نکاتی امریکی تجاویز میں کیا شامل تھا؟ امریکی خبر ایجنسی نے اہم تفصیلات شیئر کر دیں

دفاعی لائن کی ضرورت

ایرانی سپریم لیڈر نے کہا کہ مسلمان قوموں کو افغانستان سے یمن، ایران سے غزہ اور لبنان تک دفاعی لائن بنانا ہوگی۔ انہوں نے یہ بھی کہا کہ جس طرح 7 اکتوبر کا حملہ جائز تھا، اسی طرح ایران کا اسرائیل پر حملہ بھی جائز ہے۔ ہم اسرائیل کو جواب دینے میں نہ تو تاخیر کریں گے اور نہ ہی جلدی کریں گے۔