ماہر ماحولیات ڈاکٹر زینب نعیم نے دوسال پہلے جو پیش گوئیاں کیں وہ سچ ہو رہی ہیں، حامد میر نے مرتضیٰ وہاب کیساتھ گفتگو کی ویڈیو شیئر کردی۔

حامد میر کی گفتگو

اسلام آباد(ڈیلی پاکستان آن لائن) صحافی و تجزیہ کار حامد میر نے اپنے پروگرام میں میئر کراچی مرتضیٰ وہاب کے ساتھ گفتگو کی ویڈیو شیئر کی ہے۔ اس ویڈیو کے کیپشن میں لکھا ہے کہ ’’ماہر ماحولیات ڈاکٹر زینب نعیم نے دو سال پہلے جو پیش گوئیاں کی تھیں، وہ حقیقت بن رہی ہیں۔ کراچی، کوئٹہ، مظفرآباد اور گلگت کے بعد راولپنڈی اور اسلام آباد کا درجہ حرارت بھی بڑھ رہا ہے۔ ڈاکٹر زینب کہتی ہیں کہ راولپنڈی میں آج بارشوں نے جو تباہی مچائی، وہ عذاب الٰہی نہیں بلکہ ہماری غلطیوں کا نتیجہ ہے۔‘‘

یہ بھی پڑھیں: علی امین گنڈاپور کی نااہلی کیلئے الیکشن کمیشن میں درخواست دائر

کراچی کی ماحولیاتی صورت حال

معروف صحافی و تجزیہ کار حامد میر نے میئر کراچی مرتضیٰ وہاب سے سوال کیا کہ "کراچی میں کبھی کبھار کوئل کی آواز تو سنائی دیتی ہے لیکن کبھی کوئی جگنو ملا؟ بچپن میں کیا آپ نے جگنو دیکھے ہیں، وہ خوبصورت پرندے، جو سال کے مختلف مہینوں میں سمندر کے کنارے بھی نظر آتے تھے؟ کیا وہ بھی نا پید ہوتے جا رہے ہیں؟ کیا کراچی کے ساحل پر کچھوے بھی ہیں؟"

یہ بھی پڑھیں: عمران خان کے حوالے سے کسی ڈیل کا قائل نہیں ہوں: ملک احمد خان

میئر کراچی کا جواب

میئر کراچی مرتضیٰ وہاب نے جواب دیتے ہوئے کہا کہ "جب میں بڑا ہو رہا تھا تو کراچی شہر میں کوئل کی آواز آج بھی سنائی دیتی ہے، طوطے وغیرہ بھی نظر آتے تھے اور سبزے میں گلہریاں بھی بکھری رہتی تھیں۔ لیکن اب یہ چیزیں بالکل ناپید ہوتی جا رہی ہیں۔ ہمارے جو جنگل نما پارکس اور باغات ہیں، وہاں تو یہ چیزیں نظر آتی ہیں، لیکن کراچی شہر کنکریٹ کا جنگل بن چکا ہے، اس لئے یہ چیزیں اب عام نہیں ہیں۔"

یہ بھی پڑھیں: کیتھولک چرچ کی تاریخ میں پہلی بار ایک امریکی کو پوپ منتخب کر لیا گیا

ماحولیاتی مسائل کا احساس

میئر کراچی نے مزید کہا کہ "اگر میرے بچے آج اس چیز کو محسوس کرنا چاہتے ہیں تو ہمیں اپنے گھر یا گلی محلے میں یہ چیزیں نہیں ملیں گی۔ یا تو ہمیں شہر کے دیہاتی علاقوں کا رخ کرنا ہوگا یا کسی باغ کی طرف جانا ہوگا۔"

ڈاکٹر زینب نعیم کی پیش گوئیاں

ماہر ماحولیات ڈاکٹر زینب نعیم نے دو سال پہلے جو پیشین گوئیاں کی ہیں وہ سچ بن رہی ہیں۔ کراچی، کوئٹہ، مظفر آباد اور گلگت کے بعد راولپنڈی اسلام آباد کا درجہ حرارت بھی بڑھ رہا ہے۔ ڈاکٹر زینب کہتی ہیں کہ راولپنڈی میں آج بارشوں نے جو تباہی مچائی، وہ عذاب الٰہی نہیں بلکہ ہماری غلطیوں کا نتیجہ ہے۔ pic.twitter.com/CN5gGBGGl9

— Hamid Mir حامد میر (@HamidMirPAK) July 17, 2025