پی ٹی آئی کا اے آر وائی کا بائیکاٹ ختم کرنے کا اعلان

پی ٹی آئی کا اے آر وائی نیوز کا بائیکاٹ ختم

اسلام آباد (ڈیلی پاکستان آن لائن) پاکستان تحریک انصاف نے نجی ٹی وی اے آر وائی نیوز کا ایک روزہ بائیکاٹ ختم کردیا۔

یہ بھی پڑھیں: بلاول بھٹو اور فیصل واوڈا کی ملاقات، سیاسی صورتحال پر تبادلہ خیال

پی ٹی آئی کا موقف

پی ٹی آئی کے مرکزی ترجمان شیخ وقاص اکرم نے ایکس پر ایک پیغام میں کہا: "ہم اے آر وائی کا ایک روزہ بائیکاٹ ختم کر رہے ہیں، لیکن اپنے موقف پر قائم ہیں کہ بغیر تصدیق اور مؤقف لیے خبر دینا غلط ہے۔ ہم آزادیٔ صحافت کے حامی ہیں، تمام صحافتی اداروں کے ساتھ کھڑے ہیں اور خواہاں ہیں کہ صحافت ذمہ داری سے ادا کی جائے۔"

یہ بھی پڑھیں: ہم ایک بہت امیر ملک بننے جا رہے ہیں، ٹیرف ہمیں امیر بنا دیں گے، ڈونلڈ ٹرمپ کا انٹرویو میں بیان

بائیکاٹ کا پس منظر

واضح رہے کہ گزشتہ روز شیخ وقاص اکرم نے اے آر وائی نیوز کے بائیکاٹ کا اعلان کیا تھا۔ میڈیا سے گفتگو کرتے ہوئے تحریک انصاف کے مرکزی ترجمان نے کہا کہ اے آر وائی نیوز صبح سے ذرائع کے حوالے سے خبر چلا رہا ہے کہ بیرسٹر سیف کے اوپر علیمہ خان اور وزیر اعلیٰ علی امین گنڈا پور نے کسی کا نام ڈالنے یا نکالنے کے لیے دباؤ ڈالا، یہ بالکل غلط اور بے بنیاد بات ہے۔ آپ عمران خان کی فیملی کو بدنام کرنے کی کوشش کر رہے ہیں۔

یہ بھی پڑھیں: کوئی سازش پاکستان کو تباہی کی طرف نہیں لے جا سکتی: رانا مشہود

احتجاج کی وضاحت

انہوں نے اعلان کیا کہ اے آر وائی نیوز کا بائیکاٹ ہوگا اور کسی بھی پروگرام میں تحریک انصاف کا نمائندہ نہیں بیٹھے گا۔ کل فیصلہ کریں گے کہ اس بائیکاٹ کو جاری رکھنا ہے یا ختم کرنا ہے۔

یہ بھی پڑھیں: کتنے امریکی اراکین کانگریس پاکستان کا دورہ کریں گے۔۔۔؟ذرائع نے تعداد بتا دی

معذرت کا مطالبہ

انہوں نے مطالبہ کیا کہ اے آر وائی نیوز اپنی خبر پر معذرت کرے اور بتائے کہ اس خبر سے وہ کس کو فائدہ پہنچانے کی کوشش کر رہے ہیں۔

خبر کی تفصیلات

واضح رہے کہ اے آر وائی نیوز نے سینیٹ الیکشن کے حوالے سے خبر دی تھی کہ بیرسٹر سیف بانی پی ٹی آئی کی ہدایت پر من وعن عمل کے حامی ہیں۔ عمران خان نے بیرسٹر سیف کو 6 ناموں کے اعلان کی ہدایت کی۔ علی امین نے بیرسٹر سیف کو ناموں کے اعلان سے روکنے کی کوشش کی اور علیمہ خانم، علی امین نے مشاورت کے نام پر بیرسٹر سیف پر دباؤ ڈالا۔