پی ٹی آئی کا اے آر وائی کا بائیکاٹ ختم کرنے کا اعلان

پی ٹی آئی کا اے آر وائی نیوز کا بائیکاٹ ختم

اسلام آباد (ڈیلی پاکستان آن لائن) پاکستان تحریک انصاف نے نجی ٹی وی اے آر وائی نیوز کا ایک روزہ بائیکاٹ ختم کردیا۔

یہ بھی پڑھیں: بھارت نے پاکستان پر لگائے الزامات کے ثبوت نہیں دکھائے: برطانوی وزیر خارجہ کھل کر بول پڑے

پی ٹی آئی کا موقف

پی ٹی آئی کے مرکزی ترجمان شیخ وقاص اکرم نے ایکس پر ایک پیغام میں کہا: "ہم اے آر وائی کا ایک روزہ بائیکاٹ ختم کر رہے ہیں، لیکن اپنے موقف پر قائم ہیں کہ بغیر تصدیق اور مؤقف لیے خبر دینا غلط ہے۔ ہم آزادیٔ صحافت کے حامی ہیں، تمام صحافتی اداروں کے ساتھ کھڑے ہیں اور خواہاں ہیں کہ صحافت ذمہ داری سے ادا کی جائے۔"

یہ بھی پڑھیں: جے یوآئی نے حکومت سے کس کو چیف جسٹس بنانے کا کہا تھا؟ اسلم غوری نے بتادیا

بائیکاٹ کا پس منظر

واضح رہے کہ گزشتہ روز شیخ وقاص اکرم نے اے آر وائی نیوز کے بائیکاٹ کا اعلان کیا تھا۔ میڈیا سے گفتگو کرتے ہوئے تحریک انصاف کے مرکزی ترجمان نے کہا کہ اے آر وائی نیوز صبح سے ذرائع کے حوالے سے خبر چلا رہا ہے کہ بیرسٹر سیف کے اوپر علیمہ خان اور وزیر اعلیٰ علی امین گنڈا پور نے کسی کا نام ڈالنے یا نکالنے کے لیے دباؤ ڈالا، یہ بالکل غلط اور بے بنیاد بات ہے۔ آپ عمران خان کی فیملی کو بدنام کرنے کی کوشش کر رہے ہیں۔

یہ بھی پڑھیں: ریکوڈک منصوبے میں آئی ایف سی کی کل سرمایہ کاری 700 ملین ڈالر تک پہنچ گئی

احتجاج کی وضاحت

انہوں نے اعلان کیا کہ اے آر وائی نیوز کا بائیکاٹ ہوگا اور کسی بھی پروگرام میں تحریک انصاف کا نمائندہ نہیں بیٹھے گا۔ کل فیصلہ کریں گے کہ اس بائیکاٹ کو جاری رکھنا ہے یا ختم کرنا ہے۔

یہ بھی پڑھیں: 37ڈبل اے سے 30ستمبر تک ملک بھر کی ملیں بند ہو جائیں گی،صدر لاہورچیمبر آف کامرس اینڈ انڈسٹری

معذرت کا مطالبہ

انہوں نے مطالبہ کیا کہ اے آر وائی نیوز اپنی خبر پر معذرت کرے اور بتائے کہ اس خبر سے وہ کس کو فائدہ پہنچانے کی کوشش کر رہے ہیں۔

خبر کی تفصیلات

واضح رہے کہ اے آر وائی نیوز نے سینیٹ الیکشن کے حوالے سے خبر دی تھی کہ بیرسٹر سیف بانی پی ٹی آئی کی ہدایت پر من وعن عمل کے حامی ہیں۔ عمران خان نے بیرسٹر سیف کو 6 ناموں کے اعلان کی ہدایت کی۔ علی امین نے بیرسٹر سیف کو ناموں کے اعلان سے روکنے کی کوشش کی اور علیمہ خانم، علی امین نے مشاورت کے نام پر بیرسٹر سیف پر دباؤ ڈالا۔