وادیٔ نیلم میں جیپ کھائی میں گرنے سے ایک ہی خاندان کے 4 افراد جاں بحق

خاندان کا ایک اور سانحہ

مظفر آباد (ڈیلی پاکستان آن لائن) آزاد جموں وکشمیر کی وادی نیلم میں جیپ کے گہری کھائی میں گرنے سے 2 خواتین سمیت ایک ہی خاندان کے 4 افراد جاں بحق ہوگئے، حادثے میں 3 بچے زخمی ہوئے جنہیں ہسپتال منتقل کردیا گیا۔

یہ بھی پڑھیں: سلمان اکرم نے استعفیٰ واپس لے لیا

حادثے کی تفصیل

ڈپٹی کمشنر وادی نیلم ندیم احمد جنجوعہ کے مطابق یہ حادثہ دوپہر تقریباً پونے ایک بجے سری گاؤں کے قریب پیش آیا، جب بدقسمت خاندان کندل شاہی سے اپنے آبائی گاؤں جاگران واپس جا رہا تھا، کندل شاہی مظفرآباد سے تقریباً 73 کلومیٹر شمال مشرق میں واقع ہے۔

یہ بھی پڑھیں: بانی پی ٹی آئی کے گھر کی نیلامی کی خبروں پر نیب کا ردعمل سامنے آ گیا

جیپ کا حادثہ

ڈپٹی کمشنر نے ’’ڈان نیوز‘‘ سے گفتگو کرتے ہوئے کہا کہ 5 دروازوں والی جیپ ایک تنگ موڑ پر تھی، جب ڈرائیور نے گاڑی کی پوزیشن درست کرنے کے لیے اسے کچھ پیچھے کیا، اسی دوران سڑک کا ایک حصہ بیٹھ گیا، جس کے باعث جیپ پہاڑی ڈھلوان سے لڑھک کر تقریباً 300 فٹ نیچے کھائی میں جاگری۔

یہ بھی پڑھیں: پاکستان ایسوسی ایشن دبئی میں متحدہ عرب امارات کا 54 واں “عید الاتحاد” منایا گیا

جاں بحق افراد کی تفصیلات

حادثے میں 7 افراد پر مشتمل خاندان کے 4 افراد موقع پر ہی دم توڑ گئے جن میں 65 سالہ حاجی سعید عالم (ڈرائیور)، ان کی 50 سالہ اہلیہ اکبر جان، 55 سالہ برادر نسبتی محمد عرفان اور 60 سالہ سالی افسر جان شامل ہیں، جنہوں نے موقع پر ہی جان دی۔

زخمی بچوں کا علاج

زخمی بچوں کی شناخت 12 سالہ حسیب ولد شفیق، 10 سالہ ذیشان اسحٰق اور 14 سالہ بہن کوثر بی بی کے نام سے ہوئی۔ انہیں ابتدائی طور پر ڈسٹرکٹ ہیڈکوارٹر ہسپتال اٹھمقام منتقل کیا گیا، بعد ازاں خصوصی علاج کے لیے سی ایم ایچ مظفرآباد ریفر کر دیا گیا ہے۔