پاکستان مخالف فلم کی شوٹنگ کے دوران پاکستانی پرچم لہرانے پر بھارتی اداکار رنویر سنگھ تنقید کا شکار

رنویر سنگھ پر تنقید

ممبئی(ڈیلی پاکستان آن لائن) معروف بولی وڈ اداکار رنویر سنگھ کو اپنی آنے والی پاکستان مخالف بولی وڈ فلم ’دھرندر‘ کی شوٹنگ کے دوران پاکستانی پرچم لہرانے پر تنقید کا سامنا ہے، صارفین ان کے بائیکاٹ کا مطالبہ بھی کرنے لگے۔

یہ بھی پڑھیں: وزیر خارجہ اسحاق ڈار سے جاپانی سفیر کی ملاقات، مختلف شعبوں میں تعلقات کو مزید مضبوط بنانے پر زور دیا گیا

فلم ’دھرندر‘ کی شوٹنگ

شوبز ویب سائٹ ’بولی وڈ ہنگامہ‘ کے مطابق ’دھرندر‘ کی شوٹنگ بھارتی ریاست پنجاب کے معروف شہر ’لدھیانہ‘ کے ایک گاؤں میں جاری ہے، جہاں سے شوٹنگ کے دران کی ایک مختصر ویڈیو اور تصاویر سامنے آئیں۔ وائرل ہونے والی مختصر ویڈیو میں رنویر سنگھ کو ولن جیسے روپ میں دیکھا جا سکتا ہے، انہیں لمبے بالوں اور سرمے میں سجی آنکھوں کے ساتھ دیکھا جا سکتا ہے۔ ویڈیو میں شوٹنگ کے مقام پر ایک دیوار میں پاکستانی پرچم کو دیکھا جا سکتا ہے جو ہوا کی وجہ سے لہراتا نظر آتا ہے۔

یہ بھی پڑھیں: اے ایس پی شہربانو کو پولیس قوانین سے متعلق تبصرہ کرنا مہنگا پڑ گیا

سوشل میڈیا پر ردعمل

شوٹنگ سیٹ کی مذکورہ ویڈیو وائرل ہونے کے بعد سوشل میڈیا صارفین نے نہ صرف فلم کی ٹیم بلکہ رنویر سنگھ کو بھی تنقید کا نشانہ بناتے ہوئے ان کے بائیکاٹ کا مطالبہ کیا۔ زیادہ تر سوشل میڈیا صارفین نے لکھا کہ پاکستانی اداکارہ ہانیہ عامر کے ساتھ کام کرنے پر دلجیت دوسانجھ کا بائیکاٹ کیا گیا، اب ایسے لوگ رنویر سنگھ کا بائیکاٹ کیوں نہیں کر رہے؟ کچھ سوشل میڈیا صارفین نے انتظامیہ اور حکومت کو بھی آڑے ہاتھوں لیا اور لکھا کہ کیسے دشمن ملک پاکستان کا قومی پرچم بھارت کی سرزمین پر لہرانے اور لگانے کی اجازت دی گئی؟ مذکورہ تنازع پر تاحال رنویر سنگھ اور فلم کی ٹیم نے کوئی بیان نہیں دیا، تاہم سوشل میڈیا پر اداکار اور فلم کی ٹیم کو تنقید کا سامنا ہے۔

یہ بھی پڑھیں: اوورسیز پاکستانی فاؤنڈیشن اسلام آباد (OPF) کے تعاون سے ابوظہبی میں پاکستانی مینگو فیسٹیول 2025 کا انعقاد

فلم کی کہانی کا اندازہ

ابھی یہ واضح نہیں ہے کہ ’دھرندر‘ کی کہانی کیا ہے لیکن بھارتی میڈیا رپورٹس کے مطابق مذکورہ فلم میں بھارتی خفیہ ایجنسی کے ایک اہلکار کے انتہائی خفیہ اور بڑے مشن کو دکھایا جائے گا جو کہ قومی سلامتی کے معاملات پر کئی سازشوں کو بے نقاب کرتے دکھائی دیں گے۔ بعض رپورٹس کے مطابق رنویر سنگھ ہی خفیہ ایجنسی کے اہلکار کے روپ میں نظر آئیں گے اور ماضی کی متعدد فلموں کی طرح اس فلم میں بھی پاکستان کے خلاف زہر اگلی جائے گی۔

ویڈیو دیکھیں