دریائے سندھ میں کالا باغ اور چشمہ کے مقام پر سیلابی صورتحال، الرٹ جاری، پیشگی انتظامات کی ہدایات

پی ڈی ایم اے پنجاب کا سیلاب الرٹ

لاہور (ڈیلی پاکستان آن لائن) پی ڈی ایم اے پنجاب نے دریائے سندھ میں کالا باغ اور چشمہ کے مقام پر سیلاب کے بارے میں الرٹ جاری کر دیا۔ دریائے سندھ میں کالا باغ اور چشمہ کے مقام پر اونچے درجے کے سیلاب کا خدشہ ہے۔

یہ بھی پڑھیں: پاکستان ایئرٹریفک کنٹرول نے 30 مسافر طیاروں کو وار زون میں داخل ہونے سے بچا لیا

خطرے کی گھنٹی

اگلے 24 گھنٹوں میں دریائے سندھ میں کالا باغ اور چشمہ کے مقام پر سیلابی صورتحال بن سکتی ہے۔ کمشنر سرگودھا اور ڈیرہ غازی خان کو ممکنہ صورتحال کے بارے میں الرٹ جاری کیا گیا ہے۔ میانوالی، بھکر، لیہ، کوٹ ادو، ڈیرہ غازی خان، مظفرگڑھ اور راجن پور کے ڈپٹی کمشنرز کو بھی الرٹ کیا گیا ہے۔

یہ بھی پڑھیں: معرکہ حق میں شہید ہونے والے پاکستانی شہریوں کے ورثا کو 1 کروڑ، زخمیوں کو 10 سے 20 لاکھ روپے دیے جائیں گے۔

ایمرجنسی انتظامات

پی ڈی ایم اے نے ریسکیو 1122 کو تمام تر انتظامات پیشگی مکمل کرنے کی ہدایات جاری کی ہیں۔ لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو بھی الرٹ جاری کر دیا گیا ہے۔

یہ بھی پڑھیں: آپریشن غضب للحق، پاکستان میں 2026 کے پہلے 3 ماہ میں مجموعی طور پر دہشت گردی کے واقعات میں 18 فیصد کمی

ڈائریکٹر جنرل کی ہدایات

ڈی جی پی ڈی ایم اے عرفان کاٹھیا نے متعلقہ انتظامیہ کو الرٹ رہنے کی ہدایات کی ہیں۔ انہوں نے کہا کہ وزیر اعلیٰ پنجاب کی ہدایات کے پیش نظر تمام تر انتظامات پیشگی مکمل کیے جائیں۔ ایمرجنسی کنٹرول رومز میں سٹاف کو الرٹ رکھا جائے۔

یہ بھی پڑھیں: مسافر کی طبیعت خراب، ریاض سے اسلام آباد کی پرواز کی کراچی لینڈنگ

عوام کی آگاہی

عوام الناس کو موجودہ صورتحال سے لمحہ بہ لمحہ آگاہ رکھا جائے۔ دریاؤں کے پاٹ میں موجود مکانوں اور مویشیوں کے انخلاء کو یقینی بنایا جائے۔ فلڈ ریلیف کیمپس میں خوراک، پینے کے صاف پانی اور دیگر سہولیات کی فراہمی کو یقینی بنایا جائے۔

احتیاطی تدابیر

عوام جاری کردہ احتیاطی تدابیر پر عمل کریں اور ہنگامی انخلاء کی صورت میں انتظامیہ سے تعاون کریں۔ حکومت پنجاب آپ کا اور آپ کے مال مویشیوں کا پوری طرح سے خیال رکھے گی۔ شہری ایمرجنسی کی صورت میں پی ڈی ایم اے کی ہیلپ لائن پر رابطہ کریں۔