وزیراعلیٰ نے بارشوں کی وجہ سے ہونیوالے نقصانات کی تفصیلات طلب کر لیں، وارننگ سسٹم مزید بہتر بنانے کا حکم

وزیراعلیٰ پنجاب مریم نواز کی ہدایات

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ ہر شہر میں بارش کے پانی کی نکاسی کا عمل فوراً مکمل کیا جائے۔ عوام کو سیلابی ریلوں سے بروقت آگاہ کرنے کے لیے وارننگ سسٹم کو مزید بہتر بنایا جائے۔

یہ بھی پڑھیں: بالغ لڑکا اور لڑکی پسند کی شادی کر سکتے ہیں: سندھ ہائیکورٹ

پرائیویٹ سوسائٹیز کی ذمہ داریاں

پی ڈی ایم اے ہیڈ کوارٹرز میں گفتگو کرتے ہوئے ہدایت کی کہ ہر شہر میں پرائیویٹ سوسائٹیز کو بھی بارش کے پانی کی بروقت نکاسی کا پابند بنایا جائے۔ ندی نالوں، نہروں اور دریاؤں میں نہانے پر پابندی یقینی بنائی جائے۔ عوام کو دریا وغیرہ میں نہانے پر پابندی سے آگاہی کرنے کے لیے مساجد میں اعلانات کرائے جائیں۔

یہ بھی پڑھیں: امریکا کے ساتھ پاکستان کا تجارتی سرپلس سالانہ 4 ارب ڈالر سے متجاوز

فیلڈ میں موجودگی کی اہمیت

وزیراعلیٰ مریم نواز نے کہا کہ بارشوں کے دوران ڈپٹی کمشنرز نکاسیٔ آب مکمل ہونے تک فیلڈ میں خود موجود رہیں۔ ندی نالوں میں سیلابی پانی کی روانی کے لیے صفائی اور تجاوزات کا خاتمہ یقینی بنایا جائے۔

یہ بھی پڑھیں: خواتین کی تصاویر اور ویڈیوز ایڈیٹ کر کے سوشل میڈیا پر پھیلانے والا ملزم گرفتار

نقصانات کا جائزہ

وزیراعلیٰ نے بارشوں کی وجہ سے ہونے والے نقصانات کی تفصیلات طلب کر لیں اور انتظامیہ، متعلقہ اداروں کو بارش کے اگلے سپیل کی تیاری کرنے کی ہدایت کی۔

یہ بھی پڑھیں: سولر کے ذریعے مسلسل پانی نکالنے کی وجہ سے پانی کا گراف نیچے ہوا، وزیر آبپاشی بلوچستان

بروقت تیاری کا اثر

وزیراعلیٰ مریم نواز نے گفتگو کرتے ہوئے مزید کہا کہ بروقت تیاری کی وجہ سے طوفانی اور تاریخی بارش کے دوران نقصانات سے ممکنہ حد تک بچاؤ ممکن ہوا۔

یہ بھی پڑھیں: ایران نے دبئی اور دوحہ کے مخصوص علاقوں میں ممکنہ حملوں کی وارننگ جاری کردی

ریلیف سرگرمیاں اور بچے کی ریسکیو

وزیراعلیٰ ریلیف سرگرمیوں کے دوران نومولود بچے کو ریسکیو کرکے والدین کے سپر د کرنے کے عمل کو دیکھ کر جذباتی ہوگئیں۔

یہ بھی پڑھیں: فیلڈ مارشل سید عاصم منیر صرف پاکستان ہی نہیں عالمِ اسلام کے لیے بھی باعثِ فخر ہیں، چیئرمین ’ای یو پاکستان فرینڈ شپ فیڈریشن‘ چوہدری پرویز اقبال لوسر ن۔

بچوں کی حفاظت

وزیراعلیٰ مریم نواز نے کہا کہ عوام بالخصوص بچوں کو برسات کے دوران ندی نالوں سے دور رہنا چاہیے۔ ہائی رسک علاقوں میں بروقت اقدامات یقینی بنائے جائیں۔

حفاظتی تدابیر کی اہمیت

حکومتی اداروں نے اچھا کام کیا، غفلت یا کوتاہی کی وجہ سے کوئی ڈیتھ نہیں ہوئی۔ پی ڈی ایم اے سے لائف جیکٹ، بوٹ اور دیگر سامان مہیا کریں گے۔