بھارت میں ایک شخص نے یوٹیوب پر طریقہ تلاش کرکے گرل فرینڈ کو قتل کر دیا

بھارتی ریاست اترپردیش میں خوفناک قتل

ممبئی(ڈیلی پاکستان آن لائن)بھارتی ریاست اترپردیش کے ضلع للیت پور میں ایک شخص نے اپنی گرل فرینڈ کو زہر دے کر قتل کرنے کے بعد لاش دریا میں پھینک دی۔پولیس کا کہنا ہے کہ ملزم جگدیش رائیکوار نے گوگل اور یوٹیوب پر قتل کے طریقے تلاش کیے تھے تاکہ اپنی سابق گرل فرینڈ کو انجام تک پہنچا سکے۔

یہ بھی پڑھیں: جہیز سے متعلق سپریم کورٹ کا اہم فیصلہ جاری

تفصیلات

پولیس نے بتایا کہ مقتولہ رانی جگدیش کے ساتھ رہتی تھی، وہ اپنے شوہر نریندر کو چھوڑ کر جگدیش کے ساتھ للیت پور میں کرائے کے مکان میں رہنے لگی تھی۔ لیکن جگدیش کی منگنی کسی اور لڑکی سے طے ہو چکی تھی، اور اس نے رانی سے مطالبہ کیا کہ وہ اس کی منگیتر کے ساتھ مل کر ایک ہی چھت کے نیچے رہے۔ مقتولہ رانی نے اس کے مطالبے کو سختی سے رد کر دیا اور تعلق ختم کرکے مدھیہ پردیش کے اشوک نگر میں کسی اور کے ساتھ رہنے لگی۔

یہ بھی پڑھیں: اکشے کمار نے ساتھی اداکار پریش راول پر 25 کروڑ روپے کا ہرجانے کا مقدمہ دائر کر دیا

ملزم کا منصوبہ

اس بات پر جگدیش نے رانی سے انتقام لینے کا منصوبہ بنایا اور اسے دوبارہ ملنے کے لیے بلا کر مشروب میں زہر ملا کر پلادیا۔ جب وہ بے ہوش ہو گئی، تو اس نے گلا گھونٹ کر قتل کر دیا۔ بعد ازاں ملزم نے ایک بوری خرید کر لاش اس میں بند کی اور موٹر سائیکل پر رکھ کر ندی میں پھینک دی اور خود اپنے گاؤں فرار ہو گیا تاکہ شک نہ ہو۔

یہ بھی پڑھیں: خیبرپختونخوا اسمبلی میں منتخب ارکان کی حلف برداری نہ ہونے پر اپوزیشن لیڈر کا عدالت جانے کا اعلان

لاش کی شناخت

مقامی ماہی گیروں نے دریا میں تیرتی ہوئی بوری دیکھی اور پولیس کو اطلاع دی۔ بوری سے برآمد ہونے والی لاش گل سڑ چکی تھی، لیکن مقتولہ کے ہاتھ پر بنا ٹیٹو اس کی شناخت کا سراغ بن گیا۔

گرفتاری اور انٹرویو

پولیس نے ملزم کو گرفتار کر لیا ہے جو فرار کی کوشش کر رہا تھا، ملزم نے دورانِ تفتیش بتایا کہ وہ مرنا چاہتی تھی، اس لیے میں نے اسے مار دیا۔