برطانیہ میں اعزازات کا حصول ہماری پیشہ ورانہ قابلیت و تکنیکی مہارت کا منہ بولتا ثبوت ہے: ایئر چیف
پاک فضائیہ کی شاندار کامیابی
راولپنڈی (ڈیلی پاکستان آن لائن) برطانیہ میں دنیا کے معروف ترین ایئر شو رائل انٹرنیشنل ایئر ٹیٹو 2025ء میں پاک فضائیہ نے دنیا کی بہترین فضائی افواج کے درمیان 2 اعلیٰ اعزازات حاصل کیے۔ ایئر چیف مارشل ظہیر احمد بابر سدھو نے پی اے ایف کے دستے کو مبارک باد پیش کی ہے۔
یہ بھی پڑھیں: آئی ایم ایف شرائط میں کچھ نیا نہیں، طے شدہ ایجنڈا مرحلہ وار نافذ کیا جا رہا: وزارت خزانہ
ایئر چیفس کانفرنس
پاک فوج کے شعبۂ تعلقاتِ عامہ (آئی ایس پی آر) کی جانب سے جاری کردہ اعلامیہ کے مطابق ایئر شو رائل انٹرنیشنل ایئر ٹیٹو 2025 کے موقع پر ایئر چیفس کانفرنس کا انعقاد کیا گیا۔ اس کانفرنس میں عالمی فضائی افواج کے سربراہان نے پاک فضائیہ کی پیشہ ورانہ مہارت اور طیاروں کی دلکش پینٹ اسکیمز کی بھرپور تعریف کی۔
یہ بھی پڑھیں: اصغر خان کیس: وزارت دفاع سے حساس اداروں میں سیاسی سیل ختم کرنے کی رپورٹ طلب
قومی پرچم کی عظمت
ایئر چیف مارشل ظہیر احمد بابر سدھو نے اپنے پیغام میں کہا ہے کہ قومی پرچم کو سر بلند رکھنا ہمیشہ پاک فضائیہ کی پہچان رہی ہے۔ یہ باوقار اعزازات ہماری پیشہ ورانہ قابلیت، تکنیکی مہارت اور اعلیٰ معیار کے حصول کی مسلسل جستجو کا منہ بولتا ثبوت ہیں۔
یہ بھی پڑھیں: عالمی بینک کی رواں مالی سال پاکستان کی معاشی شرحِ نمو 3 فیصد رہنے کی پیشگوئی
پاکستان کی حقیقی صلاحیت
ایئر چیف نے پوری ٹیم کی تعریف کی ہے جس نے پاکستان کی حقیقی صلاحیت کو فخر کے ساتھ دنیا کے سامنے پیش کیا۔
یہ بھی پڑھیں: ورلڈ کپ کا ذکر نہ کیا کریں، کچھ لوگوں کو ناگوار گزرتا ہے، پہلے تو نہیں اٹھائے گئے ایسا نہ ہو اب کچھ ہو جائے، سپریم کورٹ میں جج کا وکیل سے مکالمہ
جے ایف 17 تھنڈر کی شرکت
آئی ایس پی آر کے مطابق، پاک فضائیہ کے جدید ترین جے ایف 17 تھنڈر بلاک سی نے ایئر شو میں پہلی مرتبہ شرکت کی اور اسے Spirit of the Meet ٹرافی سے نوازا گیا۔
