اسٹیبلشمنٹ سے تعلقات کا معاملہ، عمران خان بہت آگے نکل گئے ہیں: نجم سیٹھی

نجم سیٹھی کا تجزیہ

لاہور(ڈیلی پاکستان آن لائن)معروف صحافی اورسینئر تجزیہ کار نجم سیٹھی نے کہا ہے کہ ماضی میں نوازشریف، آصف زرداری اور دیگر نے بھی اسٹیبلشمنٹ کیخلاف بیان بازی کی بعدازاں معافی تلافی کرکے معاملہ رفع دفع ہوگیا، لیکن عمران خان تو بہت آگے نکل گئے ہیں۔

یہ بھی پڑھیں: لاہور، راولپنڈی اور پشاور کے درمیان ٹرین سروس بند، ٹکٹیں منسوخ

سیاسی رہنماؤں کی مثالیں

سوشل میڈیا پر پی ٹی آئی کے وجاہت سمیع کے اکاؤنٹ پر نجی ٹی وی چینل سما نیوز کے پروگرام ’’سیٹھی سے سوال‘‘ میں سینئر تجزیہ کار نجم سیٹھی کا کہنا تھا کہ میرا خیال ہے خواجہ آصف ایک دو دفعہ اسٹیبلشمنٹ کیخلاف گرجا ہے، نوازشریف نے بھی بات کی ہے، مجھے یاد آتا ہے آصف زرداری نے بھی ایک بار بات کی تھی۔

یہ بھی پڑھیں: قومی باکسر شعیب خان زہری نے بھارتی حریف کے خلاف مقابلے کے لیے تیاری شروع کردی

عمران خان کا موقف

نجم سیٹھی کا کہنا تھا کہ سب سے اہم بات یہ ہے کہ یہ لوگ بات کرکے سوری کرکے آگے بڑھتے ہیں، جس کے بعد جپھی ڈال لیتے ہیں۔ اسی دوران اسٹیبلشمنٹ میں تبدیلی آجاتی ہے، نئے چیف آجاتے ہیں، نئے چیف کے ساتھ گپ شپ کرکے، جپھی ڈال کر بیٹھ جاتے ہیں، لیکن عمران خان تو بہت آگے نکل گئے ہیں اور ان پر الزامات تو بغاوت کا بھی ہے۔

نجم سیٹھی کی ٹویٹ

نجم سیٹھی
نواز شریف، خواجہ آصف اور زرداری چھوٹی موٹی باتیں کی ہیں لیکن پھر انہوں نے معافیاں مانگیں اور پاؤں پڑ گئے لیکن عمران خان کی تو بات ہی اور ہے وہ نہیں جھکے گا۔ pic.twitter.com/fi8as6GkUx

— Wajahat Sami (@Wajahat_PTI_) July 19, 2025