بنوں میں دہشتگردوں کا تھانے پر حملہ

تھانہ بکا خیل پر حملہ ناکام

بنوں (ڈیلی پاکستان آن لائن) بنوں میں پولیس نے دہشت گردوں کے تھانہ بکا خیل پر حملے کو ناکام بنا دیا۔

یہ بھی پڑھیں: عمران خان اور بشریٰ بی بی کیخلاف 190 ملین پاؤنڈز ریفرنس کی سماعت آج ہوگی

حملے کی تفصیلات

’’جیو نیوز‘‘ کے مطابق، دہشت گردوں نے تھانہ بکا خیل پر ہلکے اور بھاری ہتھیاروں سے حملہ کیا جسے پولیس نے بروقت کارروائی کرتے ہوئے ناکام بنا دیا۔

یہ بھی پڑھیں: یوکرینی صدرزیلنسکی کے چیف آف سٹاف مستعفی، کن الزامات کا سامنا تھا ؟ جانیے

دہشت گردوں کی تعداد اور پولیس کی کارروائی

پولیس کے مطابق دہشت گردوں کی تعداد 13 سے 15 تھی تاہم پولیس اہلکاروں کی بہادری سے جوابی کارروائی پر دہشت گرد فرار ہو گئے جبکہ نفری مکمل محفوظ رہی۔

پولیس کی بہادری کی تعریف

بہادری سے دہشت گردوں کا مقابلہ کرنے پر آئی جی خیبرپختونخوا ذوالفقار حمید اور ڈی پی او بنوں نے پولیس کو خراج تحسین پیش کیا۔