بنوں میں دہشتگردوں کا تھانے پر حملہ
تھانہ بکا خیل پر حملہ ناکام
بنوں (ڈیلی پاکستان آن لائن) بنوں میں پولیس نے دہشت گردوں کے تھانہ بکا خیل پر حملے کو ناکام بنا دیا۔
یہ بھی پڑھیں: وزیر تعلیم پنجاب نے سیلاب زدہ علاقوں کے پبلک تعلیمی اداروں کے طلبا کی رجسٹریشن اور فیس معافی کی تجویز وزیراعظم کو بھیجوا دی
حملے کی تفصیلات
’’جیو نیوز‘‘ کے مطابق، دہشت گردوں نے تھانہ بکا خیل پر ہلکے اور بھاری ہتھیاروں سے حملہ کیا جسے پولیس نے بروقت کارروائی کرتے ہوئے ناکام بنا دیا۔
یہ بھی پڑھیں: اوورسیز پاکستانیز فاؤنڈیشن اور سٹیٹ منسٹر اوورسیز پاکستانی کے وفد کا دورہ متحدہ عرب امارات، چوہدری احسان الحق باجوہ کی رہائش گاہ پر تقریب
دہشت گردوں کی تعداد اور پولیس کی کارروائی
پولیس کے مطابق دہشت گردوں کی تعداد 13 سے 15 تھی تاہم پولیس اہلکاروں کی بہادری سے جوابی کارروائی پر دہشت گرد فرار ہو گئے جبکہ نفری مکمل محفوظ رہی۔
پولیس کی بہادری کی تعریف
بہادری سے دہشت گردوں کا مقابلہ کرنے پر آئی جی خیبرپختونخوا ذوالفقار حمید اور ڈی پی او بنوں نے پولیس کو خراج تحسین پیش کیا۔
