ای خدمت مراکز کے ہیڈ نے کرائے پر لی گئی 14 گاڑیاں بیچ دیں

جنوبی پنجاب میں ای خدامت مرکز کے نام پر فراڈ

بہاولپور (ڈیلی پاکستان آن لائن) ای خدامت مرکز کے نام پر جنوبی پنجاب میں کروڑوں کا فراڈ کرنے والا ملزم دو سال سے پولیس گرفت سے باہر ہے، متاثرہ شہری دفاتر کے چکر لگا کر تھک گئے ہیں۔

یہ بھی پڑھیں: عمران خان کی حکومت میں دیگر جماعتوں کی قیادت جیلوں میں تھی اور آج وہ خود جیل میں ہیں، یہ ایک انتقامی تاثر ہے جو ملکی سیاست میں ابھر رہا ہے، مولانا فضل الرحمان

ملزم کی غیر حاضری اور متاثرین کی مشکلات

جنوبی پنجاب ای خدمت مراکز کے نام پر شہریوں سے فراڈ کرنے والا ملزم عدنان ظفر دو سال بعد بھی قانون کی گرفت سے باہر ہے، متاثرین احتجاج کرنے پر مجبور ہیں۔ کروڑوں کا فراڈ کرنے والے ملزم کے خلاف تاحال کوئی کارروائی نہیں کی گئی۔

یہ بھی پڑھیں: جس دن جمائمہ خان پاکستان میں عمران خان کی رہائی کے لئے آگئیں ، وہ دن عمران خان اور بشریٰ بی بی کی شادی کا آخری دن ہوگا: فخردرانی

ملزم کی جعلسازی کی شروعات

بہاولپور کے رہائشی عدنان ظفر کو چند سال قبل ای خدمت مراکز کا ہیڈ بنایا گیا، جس کے بعد ملزم نے شہریوں سے ای خدمت مراکز کے لیے رینٹ پر گاڑیاں حاصل کیں اور بعد ازاں ان کو جعلسازی سے فروخت کردیا۔ اس پر ملزم کے خلاف تھانہ سول لائنز بہاولپور میں 14 گاڑیوں کے فراڈ کا مقدمہ درج ہوا۔

مقدمات اور انصاف کی طلب

اس کے علاوہ بھی ملزم کے خلاف مقدمات درج ہیں، مگر دو سال گزرنے کے باوجود مقدمہ مدعیوں اور متاثرین کو ان کی رقم یا گاڑیاں واپس نہیں مل سکیں ہیں۔ متاثرین نے وزیراعلی پنجاب اور آئی جی پنجاب سے واقعہ کا نوٹس لیکر انصاف فراہم کرنے کی اپیل کی ہے۔