ڈفرنٹ کرکٹ کلب نے زولٹیک کو شکست دے کر پاکستان کرکٹ لیگ کا فائنل جیت لیا

جدہ میں پاکستان کرکٹ لیگ کا فائنل

جدہ (محمد اکرم اسد) سعودی عرب کے شہر جدہ میں ڈفرنٹ ٹریک کرکٹ کلب نے سنسنی خیز مقابلے کے بعد زولٹیک کی ٹیم کو آخری اوور کی پانچویں گیند پر شکست دے کر پاکستان کرکٹ لیگ (جدہ چیپٹر) کا فائنل میچ جیت لیا۔ پاکستانی قونصل جنرل جدہ خالد مجید اور کمیونٹی کی طرف سے ڈفرنٹ ٹریک کے اونر حاجی عثمان کو پی سی ایل کا فائنل جیتنے پر مبارک باد دی گئی۔

یہ بھی پڑھیں: تابکاری مواد کی برآمدگی کے واقعات پر انڈین حکومت کی تشویش: عالمی سطح پر انڈیا کی بدنامی کا خدشہ

ٹورنامنٹ کی تفصیلات

سعودی عرب کے ساحلی شہر جدہ میں پاکستان کرکٹ لیگ جدہ چیپٹر کے میچز مکمل ہو گئے ہیں۔ ٹورنامنٹ میں جدہ کی آٹھ ٹیموں نے شرکت کی۔ ان میں ڈفرنٹ ٹریکس کرکٹ کلب، موڈون البینا کرکٹ کلب، کبابش کرکٹ کلب اور زولٹیک کی ٹیموں نے سیمی فائنل کے لیے کوالیفائی کیا۔

یہ بھی پڑھیں: پٹیشن آرٹیکل 199میں داخل ہوئی، کیا ہائیکورٹ نے اپنا اختیار سماعت استعمال کیا؟ جسٹس جمال مندوخیل کا سلمان اکرم راجہ سے استفسار

فائنل میچ کی کہانی

پاکستان کرکٹ لیگ جدہ چیپٹر کا فائنل زولٹیک اور ڈفرنٹ ٹریک کی ٹیموں کے درمیان کھیلا گیا۔ ڈفرنٹ ٹریک نے ٹاس جیت کر زولٹیک کو پہلے کھیلنے کی دعوت دی۔ زولٹیک نے مقررہ اوورز میں 58 رنز کا ٹارگٹ دیا۔ جواب میں، ڈفرنٹ ٹریک کی ٹیم نے اچھے کھیل کا مظاہرہ کرتے ہوئے دو وکٹوں کے نقصان پر ہدف پورا کر لیا۔ فائنل میچ کی خاص بات ڈفرنٹ ٹریک کے اوپننگ بیٹسمین محمد جواد یونس کی کارکردگی تھی، جنہوں نے لگاتار تین چھکے لگا کر میچ کا پاسہ ڈفرنٹ ٹریک کے حق میں پلٹ دیا۔

یہ بھی پڑھیں: سرگودھا؛ جوڈیشل کمپلیکس حملہ کیس کا فیصلہ بھی آ گیا، گرفتار ملزم اسماعیل کو 25سال قید کی سزا،احمد خان بھچر، رانا بلال اور احمد چٹھہ سمیت 50ملزم اشتہاری قرار

قونصل جنرل کی جانب سے خوش آمدید

جدہ چیپٹر کا فائنل جیتنے کی خوشی میں پاکستانی قونصل جنرل جدہ خالد مجید نے ڈفرنٹ ٹریک کی ٹیم کو خصوصی طور پر قونصل خانہ مدعو کیا اور وننگ ٹرافی اونر ڈفرنٹ ٹریک حاجی عثمان اور کیپٹن جہانگیر خان کو دی۔ اس موقع پر قونصل جنرل جدہ خالد مجید نے امید ظاہر کی کہ ڈفرنٹ ٹریک کی ٹیم اسی طرح سے بہترین کھیل کا مظاہرہ کرتے ہوئے سعودی عرب کا فائنل بھی اپنے نام کر لے گی۔