مجھے یہ سمجھ نہیں آ رہی کہ لوگ موسیٰ کو بشریٰ کا بیٹا کیوں کہہ رہے ہیں وہ خاور مانیکا کا بیٹا ہے : مریم ریاض وٹو

ایونٹ کی تفصیلات

لاہور (ڈیلی پاکستان آن لائن) بشریٰ بی بی کی بہن مریم ریاض وٹو نے موسیٰ مانیکا کی جانب سے ملازم کو گولی مارنے کے معاملے پر کہا ہے کہ مجھے سمجھ نہیں آتی کہ سب لوگ یہ کیوں کہہ رہے ہیں کہ وہ بشریٰ بی بی کا بیٹا ہے، بلکہ وہ خاور مانیکا کا بیٹا ہے، اور وہ سات سال سے اپنے باپ کے ساتھ رہ رہا ہے۔

یہ بھی پڑھیں: ریلوے کے میکنیکل ڈپارٹمنٹ کی کارکردگی کا جائزہ، افسران کی سرزنش

مریم ریاض وٹو کا بیان

تفصیلات کے مطابق، مریم ریاض وٹو نے نجی ٹی وی سے گفتگو میں کہا کہ اس واقعے کے بعد فیملی کی ملاقات بشریٰ بی بی سے نہیں ہوئی ہے۔ وکیلوں کی بھی ملاقات نہیں ہوئی، انہیں عمران خان کی طرح قید تنہائی میں رکھا جاتا ہے، جو کہ ایک طرح کا ٹارچر ہے۔ جب ملاقات ہوتی ہے تو انہیں بتایا جاتا ہے کہ بشریٰ بی بی کے پاس تو ٹی وی بھی نہیں ہے، جس سے انہیں خبر پہنچ جائے۔

یہ بھی پڑھیں: روس کے ساحل پر 3 بڑی شدت کے زلزلے، سونامی الرٹ جاری

واقعے کی تفصیلات

یاد رہے کہ سابق خاتونِ اول بشریٰ بی بی کے بیٹے موسیٰ مانیکا نے جلد کام نہ کرنے پر اپنے ہی ملازم کو گولی مار کر شدید زخمی کردیا۔ موسیٰ مانیکا نے فائرنگ کے بعد جدید اسلحے سے لیس ہو کر زخمی ملازم علی بہادر کو اٹھانے سے بھی منع کر دیا تھا۔ پولیس نے موقع پر پہنچ کر ملزم کو گرفتار کر لیا ہے۔

پولیس کی کارروائی

پولیس نے فائرنگ سے ملازم کو زخمی کرنے پر موسیٰ مانیکا کے خلاف ایف آئی آر درج کر لی ہے۔ واقعے کا مقدمہ زخمی ملازم کے والد کی مدعیت میں تھانہ صدر پولیس اسٹیشن میں پاکستان پینل کوڈ کی دفعہ 324 (اقدامِ قتل) کے تحت درج کیا گیا ہے۔