ارشد شریف کی شہادت سے قبل کون جانتا تھا کہ ان کو شہید کر دیا جائے گا؟ تانے بانے عمران خان سے ملتے ہیں: نجم ولی کا دعویٰ

لاہور (ڈیلی پاکستان آن لائن) سینئر صحافی نجم ولی خان نے ایکس پر پی ٹی آئی کے نومنتخب سینیٹر مراد سعید کا ایک پرانا کلپ شیئر کیا ہے۔ انہوں نے دعویٰ کیا کہ ارشد شریف کی شہادت سے دو ماہ قبل کون جانتا تھا کہ ان کو شہید کردیا جائے گا؟ تمام تانے بانے عمران خان اور پی ٹی آئی سے جا کر ملتے ہیں۔

یہ بھی پڑھیں: آج ہم سب نشانے پر ہیں، ہمارے خلاف منصوبے بنتے ہیں: سلمان اکرم راجہ

مراد سعید کا ویڈیو بیان

تفصیلات کے مطابق، سینئر صحافی نجم ولی خان نے ایکس پر جاری پیغام میں مراد سعید کی ایک ماضی میں ریکارڈ کردہ مبینہ ویڈیو بیان شیئر کی، جس میں مراد سعید کہتے ہیں: "تھریٹ الرٹس میں خود دیکھ چکا ہوں، لیٹرز گردش کر رہے ہیں، کسی اور ملک میں ارشد شریف کو ٹارگٹ کرنے کی پلاننگ ہوئی ہے، ارشد شریف کو ٹارگٹ کیا جا سکتا ہے، یہ اطلاعات ہیں کہ کسی کو ہائر کیا گیا ہے۔"

نجم ولی کا سوال

نجم ولی نے ویڈیو پر تبصرہ کرتے ہوئے سوال کیا: "پی ٹی آئی کارکنوں سے سوال، کون ارشد شریف کی شہادت سے دو ماہ قبل جانتا تھا کہ ان کو شہید کر دیا جائے گا؟ اور پھر کس نے انہیں اپنے سیاسی مفاد کے لیے استعمال کیا؟ تمام تانے بانے عمران خان اور ان کی جماعت سے جا کر ملتے ہیں۔"

پی ٹی آئی کارکنوں سے سوال

کون ارشد شریف کی شہادت سے دو ماہ قبل جانتا تھا کہ ان کو شہید کر دیا جائے گا؟ اور پھر کس نے انہیں اپنے سیاسی مفاد کے لیے استعمال کیا؟

تمام تانے بانے عمران خان اور ان کی جماعت سے جا کر ملتے ہیں۔ غور سے سنیں !!!! pic.twitter.com/wbvl9cvSHb

— Najam Wali Khan (@najamwalikhan) July 21, 2025