26 نومبر احتجاج کیس: پی ٹی آئی رہنماؤں کی عبوری ضمانت میں 8 ستمبر تک توسیع

اسلام آباد کی انسداد دہشت گردی عدالت کی کارروائی

اسلام آباد(ڈیلی پاکستان آن لائن) انسداد دہشت گردی عدالت نے 26 نومبر اور سپریم کورٹ کے باہر احتجاج کے مقدمات میں بیرسٹر گوہر، بشریٰ بی بی سمیت دیگر رہنماؤں کی عبوری ضمانت میں 8 ستمبر تک توسیع کر دی۔

یہ بھی پڑھیں: وزارت مذہبی امور نے پرائیویٹ حج اسکیم 2026 کیلئے بکنگ کی تاریخ میں 22 اکتوبر تک توسیع کر دی۔

عدالت کی سماعت کی تفصیلات

نجی ٹی وی چینل دنیا نیوز کے مطابق، اے ٹی سی عدالت نمبر 1 کے ڈیوٹی جج طاہر عباس سپرا نے مجموعی طور پر ضمانت قبل از گرفتاری کی 230 درخواستوں پر سماعت کی۔ بیرسٹر گوہر، زرتاج گل، عمیر نیازی، لطیف کھوسہ اور دیگر عدالت میں پیش ہوئے، تاہم ملزمان کی ضمانت قبل از گرفتاری کی درخواستوں پر دلائل نہیں ہو سکے۔

یہ بھی پڑھیں: پنجاب کو سیاحتی ہب بنارہے ہیں ، انویسٹرز کو ویلکم کریں گے: وزیر اعلیٰ مریم نواز کی سپین کی سینیٹ کے وفد سے ملاقات میں گفتگو

عدالت کی جانب سے استثنیٰ کی منظوریاں

بشری بی بی، سلمان اکرم راجا، شیر افضل مروت، عمر ایوب، شبلی فراز کی حاضری سے استثنیٰ کی درخواستیں عدالت نے منظور کر لیں۔

مقدمات کی تعداد

یاد رہے کہ پی ٹی آئی رہنماؤں کے خلاف تھانہ مارگلہ، رمنا کوہسار اور دیگر میں انیس مقدمات درج ہیں。