آپریشن سندور، بھارت نے احمقانہ مقصد کی بھاری قیمت چکائی، انڈین تجزیہ کار

مودی حکومت کی جنگی عزم پر تنقید

نئی دہلی( ڈیلی پاکستان آن لائن) مئی میں پاکستان پر جنگ مسلط کرنے کی مودی حکومت کی کوششوں پر تنقید کا سلسلہ جاری ہے۔ دنیا میں جہاں پاکستان کی جنگی صلاحیتوں کو قدر کی نگاہ سے دیکھا جا رہا ہے، وہیں بھارت کے اپنے ہی شہری مودی حکومت کی جارحانہ پالیسیوں کو تنقید کا نشانہ بناتے نظر آتے ہیں۔

یہ بھی پڑھیں: تحریک انصاف کے رہنما اعظم سواتی ایک بار پھر گرفتار

پروفیشنل تجزیہ کار کا تبصرہ

ماضی میں بھارتی فوج سے منسلک رہنے والے انڈین تجزیہ کار پراوین ساہنی بھی ان لوگوں میں سے ایک ہیں جو مودی حکومت کے جارحانہ عزائم پر کھل کر تنقید کرتے ہیں۔ اپنے تازہ ترین ٹویٹ میں انہوں نے آپریشن سندور کو ایک احمقانہ مقصد کے لیے کی گئی کارروائی قرار دیتے ہوئے اسے شدید کا تنقید کا نشانہ بنایا ہے۔

یہ بھی پڑھیں: سپریٹیکس کیس میں ایف بی آر کے وکلا نے سیکشن 4 بی پر دلائل مکمل کر لیے

آپریشن سندور کی تنقید

اپنے ٹویٹ میں انہوں نے آپریشن سندور کا حوالہ دیتے ہوئے لکھا کہ بھارتی فوج نے ایک احمقانہ مقصد کی بھاری قیمت چکائی، جس کے نتیجے میں دشمنوں کے سامنے بھارتی فضائیہ کی کمزوریاں بے نقاب ہوئیں۔

ماضی کے تجربات کا ذکر

بھارتی تجزیہ کار پراوین ساہنی نے اس مقصد کو احمقانہ قرار دینے کی وجہ بتاتے ہوئے وضاحت کی کہ یہ مقصد اس لیے بے معنی تھا کہ بھارتی فضائیہ 2019 میں بالاکوٹ پر ایئر سٹرائیکس کرکے بھی اس ہدف کو حاصل کرنے کی کوشش کرچکی تھی۔ یاد رہے کہ فروری 2019 میں بھارتی فضائیہ کے میراج طیاروں نے لائن آف کنٹرول کی خلاف ورزی کرتے ہوئے بالاکوٹ میں حملے کی کوشش کی تھی، تاہم پاکستانی طیاروں کی بروقت مداخلت نے انڈین طیاروں کو پے لوڈ گرا کر فرار ہونے پر مجبور کردیا تھا۔