میٹروبس، اورنج ٹرین اور الیکٹرک بس کے بعد لاہور کی سڑکوں پر ٹرام فرراٹے بھرنے کے لئے تیار

لاہور میں الیکٹرک ٹرام کی آمد

لاہور (ڈیلی پاکستان آن لائن) شہر میں میٹرو بس، اورنج لائن ٹرین، الیکٹرک بسوں کے بعد اب الیکٹرک ٹرام بھی چلے گی۔ پہلی الیکٹرک ٹرام شہر کے درمیان بہنے والی کینال کے اطراف میں چلائی جائے گی، جس کے چین سے پہلی الیکٹرک ٹرام لاہور پہنچ گئی ہے۔

یہ بھی پڑھیں: لاہور: جمعہ و اتوار ہیوی ٹریفک کے داخلے پر پابندی عائد

ٹرام کی خصوصیات

چین سے درآمد کردہ ٹرام 3 باکسز پر مشتمل ہے جو مکمل طور پر بجلی سے چلے گی۔ 10 منٹ چارج کے بعد الیکٹرک ٹرام 25 سے 27 کلومیٹر تک سفر کرے گی اور اس میں 250 افراد کے سفر کرنے کی گنجائش موجود ہے۔

اسمبلنگ اور پائلٹ پروجیکٹ

باکسز پر مشتمل ٹرام کی اسمبلنگ علی ٹاون ڈپو میں کی جا رہی ہے، اور ٹرام کو پہلے مرحلے میں پائلٹ پروجیکٹ کے طور پر چلایا جائے گا۔