وزیراعظم نے سیف سٹی کے منصوبے پولیس سٹیشن آن وہیلز کا افتتاح کر دیا

وزیراعظم کا دورہ سیف سٹی اسلام آباد

اسلام آباد (ڈیلی پاکستان آن لائن) وزیراعظم شہباز شریف نے اسلام آباد میں سیف سٹی، کیپیٹل کمانڈ اینڈ کنٹرول سینٹر کا دورہ کیا۔ اس دوران انہوں نے سیف سٹی کے منصوبے "پولیس سٹیشن آن وہیلز" کا افتتاح کیا۔

یہ بھی پڑھیں: ہم صدر ٹرمپ کے شکر گزار، اس نتیجے کو قبول کرتے ہیں” بھارت کو پوری دنیا میں رسوا کرنے کے بعد وزیر اعظم شہباز شریف کا اعلان

پولیس سٹیشن آن وہیلز کی تفصیلات

وزیراعظم کو بریفنگ دیتے ہوئے آئی جی اسلام آباد علی ناصر رضوی نے بتایا کہ "پولیس سٹیشن آن وہیلز" کا مقصد 60 سال سے زائد عمر کے افراد کو ڈرائیونگ لائسنس کا اجراء کرنا ہے، علاوہ ازیں عوام کو ایف ائی آر اور دیگر سہولیات فراہم کرنا بھی اس کا مقصد ہے۔ اس موقع پر شہباز شریف کو سیف سٹی کی جانب سے پولیس سٹیشن آن وہیلز کا پہلا ڈرائیونگ لائسنس اعزازی طور پر پیش کیا گیا اور انہیں پولیس سٹیشن آن وہیلز کے تحت درج کی گئی پہلی ایف آئی آر دکھائی گئی۔

یہ بھی پڑھیں: ناچاہتے ہوئے بھی میں عظیم عمارتوں کے سحر میں گم ہوگیا، ذہن میں ایک بار پھر فرعونوں کا دور فلم کی طرح چلنے لگا، جہاں ہر طرف زندگی ہی زندگی ہوتی تھی

پولیس آپریشن سینٹر اور دیگر سہولیات

وزیراعظم نے دورے کے دوران پولیس آپریشن سینٹر، آن لائن ویمن پولیس سٹیشن، ٹیکسی ویری فیکیشن سسٹم اور لیب کے مراکز کا بھی دورہ کیا۔ انہیں یہ بھی بتایا گیا کہ سیف سٹی سرویلینس سسٹم کے تحت اسلام آباد میں کل 3257 کیمرے نصب ہیں، جو شہر میں مختلف تقریبات، محرم الحرام اور سیلاب جیسے خصوصی واقعات کی سیکیورٹی کے لیے نگرانی کرتے ہیں۔

یہ بھی پڑھیں: اسرائیل کو روکنا ضروری ہے: طیب اردوان کا ایرانی ہم منصب اور سعودی ولی عہد سے ٹیلیفونک رابطہ

جدید ٹیکنالوجی کا استعمال

آئی جی اسلام آباد نے بریفنگ دیتے ہوئے بتایا کہ مؤثر نگرانی کے لیے اے آئی اور فیشل ریکگنیشن جیسی جدید ٹیکنالوجی استعمال کی جارہی ہے۔ وزیراعظم کو تمام سہولیات کے حوالے سے بھی تفصیلی بریفنگ دی گئی۔

اہلکاروں کی حوصلہ افزائی

شہباز شریف نے دورے کے دوران خصوصی مقدمات پر کام کرنے والے سیف سٹی کے باصلاحیت نوجوانوں میں ان کی خدمات کے اعتراف میں لیپ ٹاپ تقسیم کیے اور سیف سٹی میں کام کرنے والے اہلکاروں سے گفتگو کرکے ان کی پذیرائی کی۔