سلمان خان کو سونم کیساتھ رومانوی سین کیلئے 5 ماہ تک منانا، لیکن اداکار کی کیا تھی رائے؟ جانئے!
سلمان خان کی رومانوی سین کے لیے ہچکچاہٹ
ممبئی (ویب ڈیسک) بھارتی فلم انڈسٹری کے ہدایتکار سورج برجاتیا نے کہا ہے کہ بالی ووڈ کے دبنگ اسٹار سلمان خان کو فلم ‘پریم رتن دھن پایو’ میں اداکارہ سونم کپور کے ساتھ رومانوی سین کرنے کے لیے 5 ماہ تک منایا گیا تھا۔
یہ بھی پڑھیں: اقدام قتل کے مقدمے میں مطلوب خطرناک اشتہاری ملزم قطر سے گرفتار
ہدایتکار سورج برجاتیا کی گواہی
ایکسپریس نیوز نے بھارتی میڈیا کے حوالے سے بتایاکہ ہدایتکار سورج برجاتیا نے اپنے حالیہ انٹرویو میں سلمان خان اور سونم کپور کی بلاک بسٹر فلم ‘پریم رتن دھن پایو’ کے بارے میں بات کی۔ ہدایتکار نے کہا کہ جب میں نے سلمان خان کو ‘پریم رتن دھن پایو’ کی مرکزی ہیروئن کا نام بتایا اور تصاویر دکھائیں تو وہ حیران رہ گئے تھے اور پھر اُنہوں نے اس فلم میں کام کرنے سے متعلق سوچنے کے لیے مجھ سے کچھ وقت مانگ لیا تھا۔
یہ بھی پڑھیں: ڈیمز فنڈ کیس: پاکستان میں بہت سے کام بغیر آئین و قانون کے ہوجاتے ہیں، چیف جسٹس
سلمان خان کی فیصلہ سازی کا عمل
سورج برجاتیا نے کہا کہ جب میں نے ایک ماہ بعد سلمان خان سے دوبارہ رابطہ کیا تھا تو اُن کا کہنا تھا کہ وہ ابھی اپنے فیصلے پر غور کررہے ہیں کیونکہ سونم کپور عمر میں کافی چھوٹی ہیں۔ اُنہوں نے کہا کہ سلمان خان کا کہنا تھا کہ سونم میرے دوست کی بیٹی ہے اور میرے سامنے ہی بڑی ہوئی ہے تو میں اُس کے ساتھ رومانوی سین کیسے کرسکتا ہوں؟
یہ بھی پڑھیں: کراچی بار ایسوسی ایشن کے سالانہ انتخابات کیلئے پولنگ ،9999 وکلاووٹ ڈالیں گے
5 ماہ کی محنت کے بعد رضامندی
ہدایتکار نے کہا کہ سلمان خان فلم ‘پریم رتن دھن پایو’ میں کام کرنے کے لیے تو راضی ہوگئے تھے لیکن وہ سونم کپور کے ساتھ رومانوی سین کرنے میں ہچکچا رہے تھے۔ اُنہوں نے مزید کہا کہ میں نے سلمان خان کو فلم میں سونم کپور کے ساتھ رومانوی سین کرنے کے لیے تقریباً 5 ماہ تک منایا اور پھر کہیں جاکر وہ راضی ہوئے۔
فلم کی کامیابی
واضح رہے کہ سال 2015 میں ریلیز ہونے والی سُپر ہٹ فلم ‘پریم رتن دھن پایو’ 2015 کی دوسری سب سے زیادہ کمائی کرنے والی فلم بنی تھی۔
