پہلے لیڈر اور نظریئے کی گاڑی چلاتا تھا اور اب مریم کی گاڑی چلانے کیلئے بہت سارے لوگ ہیں: کپٹن(ر) صفدر کا وی لاگ میں سوال کا جواب

کیپٹن (ر) صفدر کا انکشاف

لاہور (ڈیلی پاکستان آن لائن) سینئر صحافی اعزاز سید نے اپنے وی لاگ میں انکشاف کیا ہے کہ کیپٹن(ر) صفدر نے مریم نواز کی گاڑی نہ چلانے کے سوال کے جواب میں کہا کہ میں پہلے ایک لیڈر اور نظریئے کی گاڑی چلاتا تھا، اب مریم کی گاڑی چلانے والے بہت سارے ہیں، وہ ناراضی کا اظہار کر رہے ہیں۔

یہ بھی پڑھیں: پاک بحریہ نے 23 ایرانی ماہی گیروں کو بچا لیا

تفصیلات

اعزاز سید نے بتایا کہ کیپٹن(ر) صفدر نے ایک یوٹیوب چینل "ہل ٹاکس" کو انٹرویو دیا ہے جس میں انہوں نے نیا پنڈورا باکس کھول دیا ہے۔ کیپٹن(ر) صفدر کا تعلق مڈل کلاس سے ہے، اس کی شادی ایک بڑے گھر میں ہوئی، یہ بہت ہی سیدھی بات کرنے والا شخص ہے اور وفادار بھی ہے۔ انہوں نے کلثوم نواز کے ساتھ جیل کاٹی، "ووٹ کو عزت دو" کی تحریک میں نوازشریف کا ساتھ دیا اور گرفتاریاں دیں، اس وقت بہت واضح نظر آتے تھے لیکن آج کل نظر بھی نہیں آتے۔

یہ بھی پڑھیں: سلنڈر دھماکے سے مکان کی چھت گر گئی، 2 افراد جاں بحق

پہلا سوال

انٹرویو کے دوران کیپٹن (ر) صفدر سے سوال کیا گیا کہ پہلے آپ مریم نواز کی گاڑی چلاتے تھے اب نہیں چلاتے؟ جس پر کیپٹن(ر) صفدر نے جواب دیتے ہوئے کہا کہ میں پہلے ایک لیڈر اور ایک نظریئے کی گاڑی چلاتا تھا، (یعنی لیڈر نوازشریف، اور نظریہ نوازشریف اور مریم نواز مراد ہے)، اب مریم کی گاڑی چلانے والے بہت سارے ہیں، وہ ناراضی کا اظہار کر رہے ہیں۔

یہ بھی پڑھیں: لکی مروت میں نامعلوم افراد کی فائرنگ، ایف سی اہلکار جاں بحق

اعزاز سید کا تبصرہ

اعزاز سید کا کہنا ہے کہ اگر پوچھا جائے تو ان کے اردگرد کے لوگ کہیں گے کہ وہ مریم سے ناراض نہیں ہیں اور نہ ہی غصے کا اظہار کر رہے ہیں۔ ارد گرد کے لوگ بھی تو مریم نے ہی منتخب کیے۔ جب نوازشریف وزیراعظم تھے، تو کیپٹن(ر) صفدر نے ان کے سیکرٹری ٹوئن منسٹر فواد حسن فواد کے خلاف پورا تقریر کر دی تھی۔

سماجی میڈیا پر بیان

کپٹن صفدر مریم نواز سے ناراض، کہا مریم کی گاڑی چلانے والے اب بہت سے ہیں، میں پہلے ایک لیڈر اور نظریے کی گاڑی چلاتا تھا، کیپٹن ر صفدر نے مریم نواز سے ناراضگی کا اظہار کر دیا، اعزاز سید pic.twitter.com/DJC2uVK11z

— Ehtsham Kiani (@ehtshamkiani) July 23, 2025