حکومت کو پی ٹی آئی کی احتجاجی تحریک کا کوئی خوف نہیں، سینیٹر عرفان صدیقی

حکومت کو پی ٹی آئی تحریک کا کوئی خوف نہیں

اسلام آباد (ڈیلی پاکستان آن لائن) مسلم لیگ (ن) کے سینیٹر عرفان صدیقی نے کہا ہے کہ حکومت کو پی ٹی آئی کی احتجاجی تحریک کا کوئی خوف نہیں اس لیے 5 اگست کے حوالے سے حکومت نے کوئی میٹنگ بھی نہیں بلائی۔ انہوں نے کہا کہ پی ٹی آئی ہم سے نہیں ان سے بات کرنا چاہتی ہے جو ان سے بات کرنے کے لیے تیار نہیں۔

یہ بھی پڑھیں: پی ٹی آئی کے مرکزی سیکریٹری جنرل شیخ وقاص اکرم کے گھر پر پولیس کا چھاپہ

بیرون ملک احتجاجی طریقے

نجی ٹی وی چینل کے پروگرام میں ان کا کہنا تھا کہ عمران خان کے بیٹے قاسم اور سلمان اگر پاکستان آنا چاہتے ہیں تو خوشی سے آئیں اور احتجاج کے جو طریقے انہوں نے برطانیہ میں دیکھے ہیں ان کے مطابق بالکل احتجاج کریں اور پی ٹی آئی کو بھی سکھائیں۔

یہ بھی پڑھیں: نوجوان کرکٹر میچ کے دوران دل کا دورہ پڑنے سے چل بسا

مذاکرات کی کھلی پیشکش

انہوں نے مزید کہا کہ حکومت کو پی ٹی آئی کی کسی تحریک میں دلچسپی نہیں، نہ کوئی خوف ہے، اسی لیے 5 اگست کے حوالے سے حکومت نے کوئی میٹنگ بھی نہیں بلائی۔ پی ٹی آئی مذاکرات کے لئے پہلے بھی سنجیدہ نہیں تھی، لیکن ہمارے دروازے مذاکرات کے لیے کھلے ہیں، لیکن ہم چھت پر چڑھ کر انہیں آوازیں نہیں لگائیں گے۔

یہ بھی پڑھیں: کیا پاکستانیوں کو بجٹ اچھا لگا یا برا؟ عوام کی رائے جانیے

ملکی سیاسی صورتحال

سینیٹر عرفان صدیقی نے کہا کہ ملک میں کسی طرح کا کوئی سیاسی بحران نہیں ہے، ریاست کا کاروبار پُرامن طریقے سے چل رہا ہے اور تمام ادارے آئین و قانون کے مطابق اپنی ذمہ داریاں پوری کر رہے ہیں۔

جیل کی زندگی کا موازنہ

عرفان صدیقی نے مزید کہا کہ سیاست دان بہادری سے جیل کاٹتے ہیں، شکایتیں اور مطالبے نہیں کیا کرتے۔ جیل میں جتنی سہولتیں عمران خان کو حاصل ہیں، کبھی کسی قیدی کو حاصل نہیں رہیں۔ نواز شریف اور آصف علی زرداری سمیت کئی رہنماؤں نے جیلیں کاٹی ہیں، لیکن کبھی کسی نے اس طرح شکایتیں نہیں کیں۔