ایف بی آر کی بدانتظامی سے قومی خزانے کو 397ارب کے نقصان کا انکشاف

پاکستان کے خزانے میں نقصان

لاہور (ڈیلی پاکستان آن لائن) ان ڈائریکٹ اور ڈائریکٹ کسٹم ڈیوٹی کی عدم وصولی، ایف بی آر کی بدانتظامی کے نتیجے میں قومی خزانے کو 397 ارب روپے کا نقصان ہوا ہے۔

یہ بھی پڑھیں: پی آئی اے ایئرکرافٹ انجینئرز کا احتجاج، قومی ایئر لائن کا بین الاقوامی آپریشن شدید متاثر

قومی اسمبلی کی PAC کمیٹی کا اجلاس

قومی اسمبلی کے PAC کی ذیلی کمیٹی کا اجلاس رکن قومی اسمبلی شاہدہ اختر علی کی کنوینئر شپ میں ہوا، جس میں ایف بی آر کی آڈٹ رپورٹس برائے مالی سال 2010، 2011، 2013 اور 2014 کا تفصیلی جائزہ لیا گیا۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟

آڈٹ حکام کی بریفنگ

آڈٹ حکام نے بریفنگ میں بتایا کہ 6 ارب 50 کروڑ روپے کا سیلز ٹیکس اور ایف ای ڈی جمع نہیں کی گئی۔ 633 ٹیکس نادہندگان کے خلاف ایف بی آر کے 10 دفاتر نے کوئی کارروائی نہیں کی۔

قانونی تقاضے

قانون کے تحت بغیر شوکاز نوٹس دیے زبردستی ریکوری کرنی چاہیے تھی۔