والد سے پیسے نہ منگوانے پر سسرالیوں نے بہو کو مبینہ تشدد کا نشانہ بنا ڈالا

تشدد کا واقعہ لاہور میں

لاہور (ویب ڈیسک) شفیق آباد کے علاقے میں والد سے پیسے نہ منگوانے پر سسرالیوں نے بہو کو مبینہ تشدد کا نشانہ بنا ڈالا جس کا متاثرہ خاتون کے چچا کی مدعیت میں مقدمہ درج کرلیا گیا۔

یہ بھی پڑھیں: ٹک ٹاکر ثناء یوسف قتل کیس: ملزم کا مزید 3 روزہ جسمانی ریمانڈ منظور

مقدمے کی تفصیلات

سماء ٹی وی کے مطابق مقدمے کے متن میں کہا گیا ہے کہ شوہر انور محمود اور سسر غلام حسین جوئے کے پیسے ہارنے پر بہو کو اس کے والد سے پیسے منگوانے کا مطالبہ کرتے رہے۔ جب بہو نے اپنے والد سے پیسے نہ منگوائے تو شوہر نے تشدد کرنے کا آغاز کر دیا۔

یہ بھی پڑھیں: مظفرگڑھ: بھیک مانگنے والی بچی نے زیادتی کرنے والے ملزمان کو شناخت کرلیا

تشدد کی نوعیت

شوہر انور محمود نے اپنی بیوی کو بالوں سے پکڑا اور سر دیوار میں دے مارا جس سے اس کے سر پر گہری چوٹ آئی۔ شوہر نے طیش میں آکر مزید تشدد کیا، بعد ازاں شوہر اور سسر موقع سے فرار ہو گئے۔

پولیس کارروائی

پولیس کا کہنا ہے کہ ملزمان کو جلد گرفتار کر لیا جائے گا۔