کرائے کے مکان میں جعلی سفارتخانہ چلانے والا ملزم گرفتار

بھارتی پولیس کی کارروائی

نئی دہلی (ڈیلی پاکستان آن لائن) بھارتی پولیس نے دارالحکومت کے قریب ایک کرائے کے مکان سے جعلی سفارت خانہ چلانے والے شخص کو گرفتار کرلیا، ملزم پر لوگوں کو بیرون ملک ملازمتوں کا جھانسہ دے کر رقم بٹورنے کا بھی الزام ہے۔

یہ بھی پڑھیں: دادا انبالہ اور پانی پت کے اسکولوں میں پڑھا چکے تھے، مردان خانے میں ملنے والوں کا تانتا بندھا رہتا جن میں ہندو، سکھ، مسیحی اور نچلی ذاتوں کے لوگ شامل تھے۔

ملزم کی شناخت

اے ایف پی کے مطابق پولیس نے بتایا کہ 47 سالہ ہرش وردھن جین ’ویسٹ آرکٹیکا کے غیر قانونی سفارت خانے‘ کو غازی آباد اتر پردیش میں ایک کرائے کے مکان سے چلا رہا تھا، جو دارالحکومت دہلی سے متصل ہے۔

یہ بھی پڑھیں: عثمان طارق مختلف کرکٹر ہیں لیکن ہتھیار نہیں ڈال سکتے، ہم نے پلان کیا ہوا ہے، بھارتی کپتان سوریا کمار یادیو

جعلی شناخت

ہرش وردھن جین نے مبینہ طور پر خود کو ویسٹ آرکٹیکا، سابورگا، پولویہ، لوڈونیا جیسے خیالی ممالک کا سفیر ظاہر کیا تھا۔پولیس کا کہنا ہے کہ وہ جعلی سفارتی نمبر پلیٹوں والی گاڑیاں استعمال کرتا تھا اور بھارتی رہنماؤں کے ساتھ اپنی تصاویر میں ترمیم کر کے انہیں سوشل میڈیا پر شیئر کرتا تھا تاکہ اپنی ساکھ کو مضبوط کر سکے۔

یہ بھی پڑھیں: عراق میں کلورین گیس لیک سے 600 سے زائد زائرین اسپتال منتقل

غیر قانونی سرگرمیاں

پولیس کے مطابق اس کی اہم سرگرمیوں میں غیر ملکی کمپنیوں اور افراد کو ملازمت دلوانے کے لیے بروکری کرنا اور حوالہ کے ذریعے رقوم کی ترسیل شامل تھیں۔اس پر منی لانڈرنگ کا بھی الزام ہے۔

پولیس کی کارروائی

جین کی جائیداد پر چھاپے کے دوران پولیس نے 53 ہزار 500 امریکی ڈالر نقد، جعلی پاسپورٹس اور وزارت خارجہ کی جعلی مہر والی دستاویزات برآمد کیں۔