راولپنڈی میں خاتون کے قتل کا معاملہ، مقتولہ کے سسر کا بیان سامنے آگیا، تہلکہ خیز انکشافات

راولپنڈی میں غیرت کے نام پر قتل

راولپنڈی (ڈیلی پاکستان آن لائن) میں مبینہ طور پر جرگے کے حکم پر غیرت کے نام پر قتل ہونے والی شادی شدہ خاتون کی نکاح کی دستاویزات اور سسر کا بیان سامنے آیا ہے۔

یہ بھی پڑھیں: الو ارجن کی فلم نہ دکھانے پر شہری کی تھیٹر میں توڑ پھوڑ، مالک کو جان سے مارنے کی دھمکی

نکاح کی تفصیلات

نجی ٹی وی چینل جیو نیوز کے مطابق مقتولہ کے نکاح کی دستاویزات بتاتی ہیں کہ خاتون نے مظفر آباد میں 12 جولائی کو عثمان نامی لڑکے سے نکاح کیا تھا۔

یہ بھی پڑھیں: مودی کو خود آنا چاہیے تھا ،پاک بھارت تعلقات کے بارے میں مثبت سوچتا ہوں : نواز شریف

خاتون کا بیان

مقتولہ خاتون کا خاوند عثمان چہلہ بانڈی مظفر آباد کا رہائشی ہے اور راولپنڈی میں ملازمت کرتا ہے۔ مقتولہ نے جوڈیشل مجسٹریٹ مظفر آباد کے روبرو اپنا بیان بھی جمع کرایا تھا اور عدالت سے تحفظ بھی مانگا تھا۔

مقتولہ نے عدالت میں عثمان کے ساتھ مرضی سے نکاح کرنے کا بیان جمع کراتے ہوئے اپنی جان کو خطرے میں ہونے کا خدشہ ظاہر کیا تھا۔

یہ بھی پڑھیں: کیا یہ واقعی اوکاڑہ میں گرائے گئے بھارتی ڈرون کی ویڈیو ہے؟ کئی صحافیوں اور سوشل میڈیا صارفین کی طرف سے شیئر ہونیوالی ویڈیو کی حقیقت سامنے آگئی

فیملی کا پس منظر

مقتولہ نے عدالت کے سامنے بیان میں کہا کہ اس کا والد فوت ہو چکا ہے اور والدہ نے دوسری شادی کر لی ہے۔ مقتولہ نے اپنی والدہ کو بتاتے ہوئے کہا کہ اس کے پہلے شوہر نے اس کو زبانی طلاق دے دی ہے، جس کے بعد خاتون نے عثمان سے نکاح کیا۔

یہ بھی پڑھیں: پنجاب کابینہ کا 19واں اجلاس، گوردواروں اور اقلیتی عبادت گاہوں کی بحالی کا حکم، آرٹسٹ خدمت کارڈ کی گرانٹ بڑھانے کی منظوری

سسر کا بیان

مقتولہ کے سسر اور شوہر عثمان کے والد محمد الیاس نے اپنے بیان میں کہا کہ میرا بیٹا عثمان پیرودھائی بس سٹینڈ ورکشاپ میں کام کرتا ہے، ہم لوگ مزدوری کرکے مشکل سے گزر بسر کرتے ہیں۔ مقتولہ نے تحفظ مانگا تو 30, 40 ہزار روپے کا بندوبست کرکے میں انہیں عدالت لے گیا، میں نے نکاح کرایا اور عدالت میں بیانات جمع کرائے۔

قتل کے بعد کی صورتحال

سسر نے اپنے ویڈیو بیان میں کہا کہ نکاح کے 4 دن بعد 10 لوگ ہمارے گھر اسلحے سمیت داخل ہوئے اور ہمیں جان سے مارنے کی دھمکیاں دیں۔ مقتولہ کے گھر والوں نے کہا کہ اب نکاح ہو گیا ہے، ہم اسے رخصت کریں گے۔

محمد الیاس نے مزید بتایا کہ ہم نے لڑکی کو اس کی فیملی کے سپرد کر دیا، لیکن 2 دن بعد معلوم ہوا کہ لڑکی کا قتل ہوا ہے۔ لڑکی کے قتل کا سن کر ہم اور ڈر گئے، اور اپنے بیٹے پر الزام نہ آنے کے لیے میں نے خود اسے پولیس کے حوالے کیا۔ میری درخواست ہے کہ ہمیں تحفظ فراہم کیا جائے۔