نوشہروفیروز ؛مسلح افراد کا سول جج کے گھر پر حملہ،وزیر داخلہ سندھ کا نوٹس

وزیرداخلہ سندھ کا حملے کا نوٹس

نوشہرو فیروز(ڈیلی پاکستان آن لائن) وزیرداخلہ سندھ ضیاء لنجار نے نوشہروفیروز میں مسلح افراد کی جانب سے سول جج کے گھر پر حملے کے واقعے کا نوٹس لے لیا۔

یہ بھی پڑھیں: ارشد شریف کی شہادت سے قبل کون جانتا تھا کہ ان کو شہید کر دیا جائے گا؟ تانے بانے عمران خان سے ملتے ہیں: نجم ولی کا دعویٰ

پولیس سے تفصیلات طلب

نجی ٹی وی سما نیوز کے مطابق وزیرداخلہ ضیاءلنجار نے ایس ایس پی نوشہروفیروز سے تفصیلات طلب کرلیں، ہدایت کی کہ پولیس سیکیورٹی پلان پر مشتمل تفصیلات سے آگاہ کیاجائے۔ امن وامان کو سبوتاژ کرنے والوں کو ہرگز نہ چھوڑا جائے۔

یہ بھی پڑھیں: اداکارہ حمیرا اصغر کی لاش برآمدگی کا معاملہ، ہیئرڈریس دانش مقصود کی 5 فروری 2025 کی پوسٹ وائرل

ملزمان کی گرفتاری کی ہدایت

وزیرداخلہ سندھ نے متعلقہ پولیس حکام کو ہدایت کی کہ سول جج کے گھر پر حملے میں ملوث ملزمان کو جلد گرفتار کیا جائے، بتایا جائے کہ آخر متعلقہ پولیس علاقہ سیکیورٹی پر کیا اقدامات کئے ہوئے ہے۔

واقعے کی تفصیلات

واضح رہے کہ گزشتہ رات نوشہرو فیروز کے نواحی گاؤں میں مسلح ڈاکوؤں کے حملے میں ایک شخص زخمی ہوگیا تھا۔ پولیس کے مطابق مسلح ڈاکوؤں نے سینئر سول جج کے مکان پر فائرنگ کی۔