ورلڈ چیمپئن شپ آف لیجنڈز: پاکستان نے ویسٹ انڈیز کو 49 رنز سے شکست دے دی

پاکستان چیمپئنز کی شاندار فتح

لندن (ڈیلی پاکستان آن لائن) ورلڈ چیمپئن شپ آف لیجنڈز میں پاکستان چیمپئنز نے عمدہ کارکردگی کا مظاہرہ کرتے ہوئے ویسٹ انڈیز چیمپئنز کو 49 رنز سے شکست دے دی۔

میچ کی تفصیلات

انگلینڈ میں جاری ورلڈ چیمپئن شپ آف لیجنڈز میں پاکستان نے پہلے بیٹنگ کرتے ہوئے 20 اوورز میں 200 رنز بنائے اور ویسٹ انڈیز کو جیت کے لیے 201 رنز کا ہدف دیا۔ کامران اکمل نے شاندار سنچری سکور کی اور 62 گیندوں پر 113 رنز بنائے، جبکہ کپتان محمد حفیظ نے 23 رنز سکور کیے۔

ویسٹ انڈیز کی بیٹنگ

پاکستان کے جواب میں بیٹنگ کرتے ہوئے ویسٹ انڈیز 20 اوورز میں 7 وکٹوں کے نقصان پر 151 رنز ہی بنا پائی اور 49 رنز سے شکست کھا گئی۔ ویسٹ انڈیز کی جانب سے والٹن نے 42 رنز کی اننگز کھیلی، ولیم پرکنز اور ڈیوائن براوو نے بھی 30 رنز بنائے۔