کسی کی ضد تھی کہ مراد سعید مائنس ہے، ہم نے انہیں سینیٹر بنا دیا، علی امین گنڈا پور

وزیراعلی خیبر پختونخوا کی پریس کانفرنس

پشاور(ڈیلی پاکستان آن لائن) وزیراعلی خیبر پخونخوا علی امین گنڈاپور نے کہا ہے کہ مراد سعید کی واپسی ہوگئی، ہم نے انہیں سینیٹر بنادیا یہ ہماری جیت ہے۔ منگل کو پشاور میں میڈیا سے گفتگو کرتے ہوئے انہوں نے کہا کہ اگلوں کی ضد تھی کہ مراد سعید مائنس ہے، ہم نے انہیں سینیٹر بنا کر سینیٹ پہنچا دیا۔

یہ بھی پڑھیں: پاک فوج کی جنگی مشقیں پورے زور و شور سے جاری

مراد سعید کی کامیابی

وزیراعلیٰ نے کہا کہ مراد سعید کو سینیٹ میں پہنچانا ہماری بڑی جیت ہے۔ سینیٹ الیکشن میں خرید و فروخت نہیں ہوئی۔

یہ بھی پڑھیں: کینیا میں عمر قید کی سزا کاٹنے والے 6 پاکستانیوں کو رہا کرنے کا حکم

سینیٹ الیکشن پر سوالات

ایک صحافی نے سوال اٹھایا کہ آپ نے سینیٹ میں 3 ووٹ ڈالے۔ علی امین گنڈاپور نے جواب دیا کہ ہمارا مقصد پورا ہوا کہ ہم نے خیبر پختونخوا میں خرید و فروخت والا کام نہیں ہونے دیا۔

یہ بھی پڑھیں: India: Hindu Extremists Run Over Muslim Family, 3 Dead

احتجاج کے حوالے سے معلومات

احتجاج سے متعلق سوال کے جواب میں انہوں نے کہا کہ احتجاج کے لیے اب تک پارٹی کا فیصلہ نہیں ہوا ہے کہ احتجاج کہاں، کس طریقے سے اور کیسے ہوگا یہ طے کرنا باقی ہے۔

یہ بھی پڑھیں: 9 مئی کیسز پر ٹرائل 4 ماہ میں مکمل کرنے کا ایک ہی بار آرڈر جاری کریں گے: چیف جسٹس

پی ٹی آئی رہنماؤں کی سزاؤں پر ردعمل

بعد ازاں 9 مئی کیس میں پی ٹی آئی رہنماؤں کو سزاؤں پر ردعمل دیتے ہوئے وزیر اعلیٰ پختونخوا نے کہا کہ پی ٹی آئی رہنماؤں کو سزائیں آئین اور قانون کی صریح خلاف ورزی ہیں۔ پاکستان میں انصاف کا جنازہ نکالا جا چکا ہے۔

یہ بھی پڑھیں: موٹر سائیکل کے لیے رجسٹریشن نمبر بک کروانے کے خواہشمندوں کے لیے محکمہ ایکسائز سے خوشخبری آگئی

آل پارٹیز کانفرنس کا بلانا

دوسری جانب خیبرپختونخوا حکومت نے 24 جولائی کو امن و امان پر آل پارٹیز کانفرنس طلب کرلی، وزیر اعلی نے سیاسی اور مذہبی جماعتوں کو دعوت نامے ارسال کردیے۔

سینیٹ میں پی ٹی آئی کی کامیابی

یاد رہے کہ خیبرپختونخوا اسمبلی میں سینیٹ انتخاب میں پاکستان تحریک انصاف نے 6 اور اپوزیشن جماعتوں نے 5 نشستوں پر کامیابی حاصل کی تھی۔ 7 جنرل نشستوں میں سے 4 نشستوں پر پی ٹی آئی کامیاب قرار پائی، پی ٹی آئی کے مراد سعید، فیصل جاوید، مرزا آفریدی اور نورالحق قادری جنرل نشستوں پر جیتے۔