نجی ٹیلی ویژن چینل کی خاتون اینکر تین بچوں اور شوہر سمیت بابو سر کے سیلابی ریلے میں بہہ کر جاں بحق

سکردو میں سیلابی ریلوں کا حادثہ

سکردو(ڈیلی پاکستان آن لائن) ترجمان حکومت گلگت بلتستان نے نجی ٹیلی ویژن چینل کی اینکر کی فیملی سمیت 15 سیاحوں کے سیلابی ریلوں میں بہہ جانے کی تصدیق کردی۔

یہ بھی پڑھیں: پاک، بھارت جنگ بندی سیاسی قیادت کی دانشمندی کا نتیجہ تھی، اصل فیصلے کہاں ہوئے۔۔۔؟ خورشید محمود قصوری کھل کر بول پڑے

لاپتا افراد کی تلاش

ترجمان گلگت بلتستان حکومت فیض اللہ کا کہنا ہے کہ نجی ٹیلی ویژن ’ خیبر نیوز ’کی اینکر پرسن شبانہ لیاقت اور ان کے خاندان کے 5 افراد کے شاہراہ بابوسر پر لاپتا ہونے کے بارے میں ان کے لواحقین نے تلاش کے لیے صوبائی حکومت سے رابطہ کر لیا ہے۔

یہ بھی پڑھیں: اسٹیبلشمنٹ اگربات کرنا چاہتی ہے توکرے لیکن پی ٹی آئی اسٹیبلشمنٹ سے بات کرنا چاہتی ہے تو ٹی وی پرآکر کہے سویلین بالادستی کا بیانیہ جھوٹا تھا:حذیفہ رحمان

شہادتیں اور تلاش کا عمل

فیض اللہ کا کہنا ہے کہ شبانہ لیاقت، ان کے شوہر لیاقت اور تین بچوں کے لاپتا ہونے کے بارے میں لیاقت کے خاندان کی طرف سے شکایت سامنے آئی ہے۔ فیض اللہ کے مطابق عینی شاہدین نے 10 سے 15 سیاحوں کے شاہراہ بابوسر میں سیلابی ریلوں میں بہنے کی اطلاع دی ہے، جس کے بعد کارروائی کرتے ہوئے اب تک 7 لاشیں نکالی جا چکی ہیں اور دیگر لاپتا سیاحوں کی تلاش جاری ہے۔

سرچ آپریشن کی تفصیلات

ترجمان کا کہنا ہے کہ سیلابی ملبے میں سرچ آپریشن میں سراغ رساں کتوں اور ڈرونز کی مدد بھی حاصل کی جارہی ہے۔ ترجمان کا کہنا ہے کہ بحالی اور سرچ آپریشن میں دیامر پولیس، انتظامیہ، ڈیزاسٹر مینجمنٹ، ریسکیو 1122، افواج پاکستان اور جی بی اسکاؤٹس بھی شامل ہیں۔