جیکب آباد؛ ریلوے ٹریک پر دھماکا، جعفر ایکسپریس کو جزوی نقصان

دھماکے کا واقعہ

جیکب آباد (ڈیلی پاکستان آن لائن) جیکب آباد میں سلطان کوٹ اور آباد سٹیشن کے قریب ریلوے ٹریک پر دھماکے کے نتیجے میں جعفر ایکسپریس کی تین بوگیاں زد میں آگئیں۔

یہ بھی پڑھیں: اسلام آباد میں پبلک ٹرانسپورٹ ایک ماہ کے لیے مفت کرنے کا اعلان

دھماکے کی تفصیلات

نجی ٹی وی چینل ایکسپریس نیوز کے مطابق ریلوے حکام نے اطلاع دی کہ ٹریک پر دھماکا صبح 10 بج کر 20 منٹ پر ہوا۔ دھماکے کے باعث جعفر ایکسپریس کی 3 بوگیاں پٹڑی سے اتر گئیں۔ دھماکے میں جانی نقصان کی اطلاع موصول نہیں ہوئی، تاہم امدادی ٹیمیں متاثرہ ٹریک کی جانب روانہ کر دی گئی ہیں۔

یہ بھی پڑھیں: پاکستانی پاسپورٹ بتدریج ترقی کے بعد ٹاپ 100 پاسپورٹس میں شامل ہوگیا

وزیراعلیٰ سندھ کا ردعمل

وزیراعلیٰ سندھ مراد علی شاہ نے ریلوے ٹریک دھماکے کا نوٹس لیتے ہوئے زخمیوں کو فوری طبی امداد فراہم کرنے کی ہدایت کر دی۔ وزیراعلیٰ نے دھماکے کی مکمل تحقیقات کا حکم دے دیا۔

یہ بھی پڑھیں: پی ٹی آئی دہشتگردوں کے لیے نرم گوشہ رکھتی ہے، جرگہ کا خواہ مخواہ واویلا کیا جا رہا ہے: طلال چودھری

بریفنگ کی تفصیلات

وزیراعلیٰ سندھ کو بریفنگ میں بتایا گیا کہ دھماکا اس وقت ہوا جب ٹرین ٹریک عبور کر رہی تھی جس میں متعدد افراد زخمی ہیں، خوش قسمتی سے کوئی جانی نقصان نہیں ہوا۔

یہ بھی پڑھیں: امریکی نیوز چینل کا ’’ٹرمپ کی کارکردگی‘‘ پر پول سروے جاری، عوام کی اکثریت نے مسترد کر دیا

ریلوے ٹریفک پر اثرات

ریلوے ٹریفک متاثر ہونے کی وجہ سے دیگر ٹرینوں کی روانگی عارضی طور پر معطل ہے۔

ذمہ داروں کا احتساب

وزیراعلیٰ نے حکم دیا کہ واقعے کے ذمہ داروں کو قانون کے کٹہرے میں لایا جائے گا۔ انہوں نے کہا کہ دھماکا ریاست کے خلاف کارروائی ہے اور کسی کو معاف نہیں کیا جائے گا۔