تھرپارکر میں غیرت کے نام پر لڑکی کے قتل کے کیس میں ایک اور شخص گرفتار

تھرپارکر میں لڑکی کے قتل کا کیس

تھرپارکر (ڈیلی پاکستان آن لائن )تھرپارکر میں 3 ماہ قبل لڑکی کو قتل کرکے کنویں میں پھینکنے کے کیس میں ایک اور شخص کو گرفتار کرلیا گیا۔

یہ بھی پڑھیں: بلاول بھٹو کا وزیراعظم سے ٹیلی فونک رابطہ، سیلاب سے متاثرہ کسانوں کے مسائل سے آگاہ کیا

واقعہ کا پس منظر

پولیس کے مطابق واقعہ تحصیل نگرپارکر کے نواحی گائوں نیباڑو میں 3 ماہ قبل پیش آیا جہاں رات کو سوئی ہوئی لڑکی دھانی کپری کو غیرت کے نام پر باپ اور بھائی نے کلہاڑی کے وار کرکے قتل کیا اور لاش قریبی کنویں میں پھینک کر واقعہ کو خودکشی کا رنگ دیا۔

یہ بھی پڑھیں: پاکستان کے JF-17C اور C-130 کو RIAT 2025 میں عالمی سطح پر پذیرائی

پولیس کی کارروائی

رپورٹ کے مطابق لڑکی کی ماں نے اپنے بھائی اور مقتولہ کے ماموں کو ماجرا بتایا جس پر لڑکی کے ماموں نے واقعے کی اطلاع پولیس کو دی۔ پولیس نے لاش کو پوسٹ مارٹم کے لیے نگرپارکر اسپتال منتقل کیا جب کہ لڑکی کے باپ بادل کپری اور بھائی میر حسن کو گرفتار کرکے قتل کا مقدمہ درج کرلیا۔

یہ بھی پڑھیں: چیئرمین پی سی بی کی جانب سے قومی ٹیم کے نئے کپتان کا فیصلہ کرلیا گیا

ڈی این اے رپورٹ کی تفصیلات

پولیس کے مطابق مقتولہ کے ماموں نے ایف آئی آر میں لڑکی کے محلے کے لڑکے سے جنسی تعلقات کے بارے میں لکھوایا۔ پولیس کی جانب سے فارنزک کیمیکل اور ڈی این ای رپورٹ کے لیے اجزاء لیبارٹری کے بھیجے گئے جہاں سے 3 ماہ بعد گزشتہ روز ڈی این اے رپورٹ جاری کی گئی جس میں تصدیق کی گئی ہے کہ لڑکی 5 ماہ کی حاملہ تھی۔

ملزم کی گرفتاری

پولیس کا کہنا ہے کہ لڑکی کے حمل کا ڈی این اے محلے کے ایک لڑکے قاسم سے میچ ہوا جسے گرفتار کرلیا گیا۔ پولیس کے مطابق ملزم قاسم نے عدالت میں بیان دیا کہ اس کے لڑکی سے گزشتہ 3 سال سے جنسی تعلق تھا جس پر عدالت نے لڑکے کو جیل بھیج دیا۔