مفتاح اسماعیل نے ’’کرپٹو مخالف بیانیہ‘‘ کیوں اپنایا، اربوں روپے کہاں گئے، پریس کانفرنس میں کیا کچھ چھپانے کی کوشش کی۔۔۔؟ تہلکہ خیز انکشافات

مفتاح اسماعیل کا کرپٹو مخالف بیانیہ

لاہور (طیبہ بخاری سے) سابق وزیر خزانہ مفتاح اسماعیل کا ’’کرپٹو مخالف بیانیہ‘‘ کیوں ہے؟ اربوں روپے کہاں گئے؟ پریس کانفرنس میں کیا کچھ چھپانے کی کوشش کی گئی؟ ذرائع نے اہم تفصیلات شیئر کر دیں۔

یہ بھی پڑھیں: مون سون بارشوں کے سلسلہ تھمنے کے بعد مارگلہ کے تمام ہائکنگ ٹریلز کو کھول دیا گیا

پریس کانفرنس کی تضادات

ذرائع نے انکشاف کیا ہے کہ سابق وزیر خزانہ مفتاح اسماعیل کی پریس کانفرنس تضادات اور خوراک کی کمی کی شکار غریب ماؤں اور بچوں کے نام پر سمیٹے اربوں روپوں کو چھپانے کی کوشش ہے۔ مفتاح اسماعیل اس بات کا جواب دینے میں ناکام ہیں کہ انہوں نے وفاقی کابینہ سے اسماعیل انڈسٹری سے اپنے تعلق اور ’’نشوونما پروگرام‘‘ کی تفصیل کیوں چھپائی؟

یہ بھی پڑھیں: ابھی عمران خان کی رہائی ہوتی نظر نہیں آرہی، علیمہ خان

بجٹ میں غیر معمولی اضافہ

مفتاح اسماعیل یہ بھی نہیں بتا پا رہے کہ ’’نشوونما پروگرام‘‘ کا بجٹ 2 ارب سے 21 ارب کیوں کیا گیا؟ انہوں نے اس پروگرام کا بجٹ بڑھانے میں مرکزی کردار ادا کیا، جبکہ اسماعیل انڈسٹری سے وہی رقم وصول کرنے کے بھی اصل محرک ہیں۔

یہ بھی پڑھیں: 7 دہائیوں پر مشتمل فنی سفر ختم، بالی ووڈ کی سینئر اداکارہ کامنی کوشل چل بسیں

ذاتی مفاد کی خاطر بجٹ کا بڑھنا

ذرائع نے یہ بھی انکشاف کیا کہ مفتاح اسماعیل اپنی گفتگو یا الزامات سے اس بات کو پوشیدہ نہیں رکھ سکتے کہ انہوں نے اپنے ذاتی مفاد میں نشوونما پروگرام کا بجٹ بڑھایا۔ انہوں نے اسماعیل انڈسٹری کو واحد بولی دہندہ بنا کر وہ پروگرام، جس کا دائرہ خود بڑھایا، کانٹریکٹ ایوارڈ کر دیا۔

یہ بھی پڑھیں: آئینی ترمیم میں سود کے خاتمے سے متعلق کیا تجویز دی گئی ہے؟ مسودے میں انکشاف

وزیر خزانہ کی ناکامی

مفتاح اسماعیل نے اپنے عمل سے نہ صرف ملک و قوم کو نقصان پہنچایا، بلکہ بطور سینیٹر اور وزیر اپنے حلف کی خلاف ورزی بھی کی ہے۔ انہوں نے نائب وزیراعظم و وزیر خارجہ اسحاق ڈار کے شوگر ایڈوائزری بورڈ کا ممبر ہونے کا دعویٰ کیا، جو مکمل طور پر بے بنیاد ہے۔

یہ بھی پڑھیں: پاکستان پر قرض اور ادائیگیوں کا بوجھ 89 ہزار 834 ارب تک پہنچ گیا

کرپٹو کرنسی کے حوالے سے حکومتی اقدامات

ذرائع نے یہ بھی بتایا کہ مفتاح اسماعیل کرپٹو کرنسی کے بارے میں حکومتی اقدامات پر تنقید سے ’’نشوونما پروگرام‘‘ میں کی گئی واردات سے توجہ نہیں ہٹا سکتے۔ پاکستان دنیا کے ان چند ممالک میں شامل ہے جو کرپٹو کونسل کے ذریعے کرپٹو کرنسی کو ریگولرائز کر رہا ہے۔

یہ بھی پڑھیں: بنگلہ دیش نے 1971 کے بعد پہلی بار پاکستانی حکام کے لیے ویزا شرط ختم کر دی

پاکستان کی معاشی ساکھ اور بھارتی میڈیا

عالمی طاقتیں بھی کرپٹو ڈپلومیسی کے ذریعے پاکستان کے ساتھ تعلقات بہتر بنانے کو ترجیح دے رہی ہیں۔ بھارتی میڈیا مسلسل پاکستان کی کرپٹو مارکیٹ کو نشانہ بنا رہا ہے کیونکہ پاکستان کی بڑھتی ہوئی معاشی ساکھ بھارت کی آنکھوں میں کھٹک رہی ہے۔

مفتاح اسماعیل کی کرپٹ پریکٹسز

مفتاح اسماعیل کا کرپٹو مخالف بیانیہ پاکستان دشمن عناصر خاص طور پر بھارت کے ہاتھ مضبوط کر رہا ہے۔ مفتاح اسماعیل اپنی کرپٹ پریکٹسز کو چھپانے میں مزید شرمندگی کا شکار نہ ہوں، بلکہ ملک و قوم کو پہنچائے نقصان کی ذمہ داری قبول کریں۔