زیادتی کا الزام لگانے والی خاتون عدالت میں اپنے پہلے بیان سے مکر گئی

زیادتی کا مقدمہ

میرپور خاص (ویب ڈیسک) زیادتی کا الزام لگانے والی خاتون عدالت میں اپنے پہلے بیان سے مکر گئی۔ پولیس کے مطابق ڈی این اے رپورٹ کا انتظار ہے، جس میں مزید کچھ روز لگ سکتے ہیں۔

یہ بھی پڑھیں: پاکستان اور متحدہ عرب امارات کے مشترکہ وزارتی کمیشن کا 12واں اجلاس ابوظہبی میں منعقد ہوا

پولیس کی کارروائی

نجی ٹی وی چینل جیونیوز کے مطابق 3 ہفتے قبل خاتون نے 2 ملزمان کے خلاف زیادتی کا مقدمہ درج کرایا تھا۔ اس کی بنیاد پر ایک ملزم کو گرفتار کیا گیا، جبکہ دوسرے کی تلاش جاری ہے۔ ابتدائی میڈیکل رپورٹ میں بھی خاتون پر تشدد اور زیادتی کی تصدیق نہیں ہوسکی تھی۔

عدالت میں پیشی

مبینہ زیادتی کا شکار خاتون اور گرفتار ملزم کو عدالت میں پیش کیا گیا۔ جہاں خاتون نے ملزم کو پہچاننے سے انکار کردیا۔ اس کے بعد عدالت نے ملزم کی 50 ہزار روپے کے عوض ضمانت منظور کرلی۔