کراچی کلفٹن چائنہ پورٹ کے قریب سے ملنے والی مرد و خاتون کی لاشوں کی شناخت ہوگئی

کراچی: لاشوں کی شناخت

کراچی(ویب ڈیسک) کلفٹن چائنہ پورٹ کے قریب سے ملنے والی مرد و خاتون کی لاشوں کی شناخت ہوگئی۔ مقتولین کی عمریں 30 سے 35 سال کے درمیان ہیں۔ دونوں شادی کرنا چاہتے تھے اور 15 جولائی کو دونوں گھر چھوڑ کر چلے گئے تھے۔

یہ بھی پڑھیں: سعدیہ امام پر شادی کے بعد شوہر نے کونسی پابندی لگا دی تھی؟ اداکارہ کا حیران کن انکشاف

مقتولین کی تفصیلات

ڈی آئی جی ساؤتھ اسد رضا کے مطابق مقتول نوجوان کو ساجد مسیح جبکہ مقتولہ کو ثناء آصف کے نام سے شناخت کیا گیا ہے۔ مقتولین کا تعلق گوجرانوالہ کے ایک ہی گاؤں سے تھا۔ مقتولہ کے بھائی وقاص نے گوجرانوالہ کے تھانہ تتلے علی میں 17 جولائی کو ثناء کے اغوا کا مقدمہ درج کرایا، جس میں ساجد سمیت دیگر 4 افراد کو نامزد کیا گیا تھا۔

یہ بھی پڑھیں: ڈیڑھ ہزار سال قبل بھارت کے برہمنوں نے عرصۂ حیات تنگ کر دیا تو بھارتی تاملوں کے ہزاروں خاندان ہجرت کر کے سری لنکا چلے گئے۔

تحقیقات کا عمل

ڈی آئی جی کا کہنا ہے کہ کراچی پولیس اس کیس کی تحقیقات کے سلسلے میں گوجرانوالہ پولیس سے مسلسل رابطے میں ہے اور مقدمے کے مدعی وقاص کو گوجرانوالہ پولیس نے حراست میں لے لیا ہے۔ ان سے تفتیش جاری ہے، اور تحقیقات میں اگر ضرورت محسوس ہوئی تو کراچی پولیس گوجرانوالہ جائے گی۔

یہ بھی پڑھیں: بابا گورونانک کے 555 ویں جنم دن کی تقریبات کا اعلان ، دنیا بھر سے ہزاروں سکھ یاتری آئیں گے

پولیس کا بیان

پولیس کے مطابق ساجد اور ثناء کے والدین میں سے کسی نے رابطہ نہیں کیا تو واقعے کا مقدمہ سرکاری مدعیت میں درج کیا جائے گا۔ پولیس نے یہ بھی بتایا کہ دونوں کے قتل میں ممکنہ طور پر کوئی قریبی رشتہ دار ملوث ہے۔

لاشوں کی حالت

یاد رہے کہ کلفٹن چائنہ پورٹ کے قریب سے مرد اور خاتون کی تشدد زدہ لاشیں برآمد ہوئی تھیں۔ تھانہ بوٹ بیسن پولیس کا کہنا تھا کہ خاتون اور مرد کو گولیاں مار کر قتل کیا گیا، لاشوں کے پاس سے نائن ایم ایم پستول کے دو خول بھی ملے ہیں۔