جولائی میں معمول سے 25 فیصد زیادہ بارشیں ریکارڈ ہوئیں

پاکستان میں بارشوں کا حال

اسلام آباد(ڈیلی پاکستان آن لائن)پاکستان میں جولائی 2025 کے دوران معمول سے 25 فیصد زیادہ بارشیں ریکارڈ ہوئیں۔

یہ بھی پڑھیں: فلمی صنعت کی بحالی؛ وزیراعلیٰ پنجاب نے امدادی رقوم کی فراہمی کیلیے کمیٹی تشکیل دیدی

محکمہ موسمیات کی رپورٹ

نجی ٹی وی چینل ہم نیوز کے مطابق محکمہ موسمیات کا کہنا ہے کہ جولائی 2024 میں پاکستان بھر میں 9 فیصد کم بارش ہوئی تھی، رپورٹ کے مطابق پاکستان بھر میں اس سال بارشیں معمول سے زیادہ ہوئی ہیں۔

یہ بھی پڑھیں: گلگت: 2 جرمن خاتون کوہ پیما لینڈ سلائیڈنگ کی زد میں آگئیں، ایک ریسکیو

صوبائی بارشوں کا تجزیہ

اعداد و شمار کے مطابق جولائی 2025 میں پنجاب میں معمول سے 58 فیصد زائد بارش ریکارڈ کی گئی جب کہ گلگت بلتستان میں 54 فیصد، بلوچستان میں 39 فیصد زائد بارش ریکارڈ کی گئی۔

محکمہ موسمیات کے مطابق خیبر پختونخوا میں 2، آزاد کشمیر میں 15 فیصد زائد بارش ہوئی جب کہ سندھ میں جولائی کے دوران بارش میں 42 فیصد کمی ریکارڈ کی گئی۔

یہ بھی پڑھیں: پارٹی میں موروثیت کی کوئی جگہ نہیں پھر علیمہ خانم نے خود کیوں احتجاج کی کال دی؟ علی محمد خان کی مبینہ آڈیو لیک

پچھلے سال کی بارشیں

گزشتہ سال جولائی 2024 میں آزاد جموں و کشمیر میں معمول سے 46 فیصد کم بارش ریکارڈ ہوئی، گلگت بلتستان میں 65 فیصد، خیبر پختونخوا میں 21 فیصد کم بارش ہوئی تھی۔

موسمیات کی پیش گوئی

ملک کے مختلف علاقوں میں بارش کا سلسلہ جاری ہے جبکہ محکمہ موسمیات نے ملک بھر میں مزید بارشوں کی پیش گوئی بھی کی ہے。