کراچی میں 16 سالہ لڑکی کی لاش ملنے کا کیس حل، زیادتی کے بعد قتل کرنے والا پڑوسی گرفتار
کراچی میں قتل کا معمہ حل
کراچی(ڈیلی پاکستان آن لائن) شہر قائد کے علاقے ملیر کھوکھرا پار میں 16 سالہ پڑوسی لڑکی کی لاش ملنے کا معمہ حل ہوگیا، پولیس نے زیادتی کے بعد قتل کرنے والے پڑوسی کو گرفتار کرلیا۔
یہ بھی پڑھیں: اب تک جنوبی پنجاب سے پی ٹی آئی کے کتنے کارکنان گرفتار ہو گئے؟ تفصیلات سامنے آگئیں
واقعہ کی تفصیلات
نجی ٹی وی چینل ایکسپریس نیوز کے مطابق ملیر کھوکھرا پار میں گھر کے باہر سے لڑکی کی لاش ملنے کا معمہ بیس دن میں حل ہوگیا۔ سولہ سالہ اریبہ کے قتل میں ملوث پڑوسی ملزم محمد حذیفہ کو گرفتار کرلیا گیا۔
یہ بھی پڑھیں: مری میں شدید برفباری کے باعث نظام زندگی مفلوج، مری میں مزید گاڑیوں کا داخلہ بند کردیا گیا
ملزم کا اعتراف
ملزم نے پولیس کے سامنے اعتراف کیا کہ دس جولائی کو اریبہ کو زیادتی کا نشانہ بنایا، شور مچانے پر اُس کے منہ پر ہاتھ رکھا جس پر وہ دم گھٹنے سے مر گئی تھی۔
یہ بھی پڑھیں: پاکستان کا کرپٹو کی دنیا میں بڑا قدم، بھارت پیچھے رہ گیا
ملزم کا بیان
ملزم نے کہا کہ اریبہ میری پڑوسن تھی جو میرے گھر اپنی دوست کا پوچھنے آئی تھی، گھر خالی ہونے اور شیطان کے بہکاوے میں آ کر جرم کیا۔
یہ بھی پڑھیں: پاکستان اسٹاک مارکیٹ میں نیا ریکارڈ قائم، 100 انڈیکس ایک لاکھ 62 ہزار پوائنٹس کی حد بھی عبور کر گیا
پولیس کارروائی
پولیس کے مطابق قتل کی واردات کا مقدمہ کھوکھرآپار تھانے میں درج ہے، میڈیکل میں لڑکی سے زیادتی بھی ثابت ہوئی تھی جس کے بعد پولیس نے 20 سے زائد افراد کا ڈی این اے ٹیسٹ لیا تھا۔
یہ بھی پڑھیں: پاکستان سوشل سینٹر شارجہ اور سافٹ امیج پاکستان کی جانب سے محفل شعر و نغمہ، پاکستانی محنتی اور دیانتدار ہیں، ملک اسلم۔
گرفتاری اور قانونی کاروائی
پولیس کے مطابق ملزم کو شک کی بنیاد پر حراست میں لیا تو اس نے اعتراف جرم کرلیا۔ پولیس نے ملزم کے خلاف ایک سو چونسٹھ کا بیان ریکارڈ کرکے عدالت میں پیش کیا، جہاں جرم ثابت ہونے پر عدالت نے ملزم کو جیل بھیج دیا۔
متوفیہ کی معلومات
واضح رہے کہ 16 سالہ متوفیہ 2 بہن بھائیوں میں بڑی تھی۔
