حکومت کا بینکوں، ایکسچینج کمپنیوں کو کرپٹو آپریشن کے لیے لائسنس دینے کا فیصلہ

وفاقی حکومت کا ورچوئل اثاثہ جات ریگولیٹری فریم ورک

اسلام آباد( ڈیلی پاکستان آن لائن) وفاقی حکومت نے ورچوئل اثاثہ جات کو ریگولیٹ کرنے کے لیے فریم ورک کا آغاز کردیا ہے۔ اسلام آباد میں بینکوں، ایکسچینج کمپنیوں اور جیولری سیکٹر کے نمائندگان کا ایک اعلیٰ سطح کا اجلاس منعقد ہوا جس میں سٹیک ہولڈرز کو ورچوئل ایسٹ ایکٹ 2025 سے متعلق آگاہی فراہم کی گئی۔

یہ بھی پڑھیں: ایف بی آر نے چینی پر سیلز ٹیکس وصولی کا نیا طریقہ کار متعارف کروا دیا

پاکستان ورچوئل اثاثہ جات ریگولیٹری اتھارٹی کی ذمہ داریاں

پرو پاکستانی کی ایک رپورٹ کے مطابق، پاکستان ورچوئل اثاثہ جات ریگولیٹری اتھارٹی (PVARA) کرپٹو کرنسی سمیت تمام ورچوئل اثاثہ جات کے شعبے میں کام کرنے والے اداروں کو لائسنس جاری کرنے، ان کو ریگولیٹ کرنے اور ان کی نگرانی کی ذمہ دار ہو گی۔ PVARA بین الاقوامی معیار، خصوصاً فنانشل ایکشن ٹاسک فورس (FATF) کے تقاضوں کے مطابق عملدرآمد کو یقینی بنائے گی۔