گرمیوں کی طویل تعطیلات کے بعد سکولوں میں تدریسی عمل کب شروع ہوگا؟ نئی تاریخ سامنے آگئی

تعلیمی عمل کا آغاز

لاہور (ڈیلی پاکستان آن لائن) گرمیوں کی طویل تعطیلات کے بعد شہر لاہور کے سکولوں میں تدریسی عمل کا باقاعدہ آغاز 18 اگست سے ہوگا۔ 3 مسلسل تعطیلات کے باعث تعلیمی سرگرمیوں میں تاخیر ہو گئی ہے۔

یہ بھی پڑھیں: بینظیر انکم سپورٹ صارفین کے بینک اکاﺅنٹ کھلوانے کا فیصلہ

سکولوں کے کھلنے کی تاریخ

محکمہ سکول ایجوکیشن پنجاب کی جانب سے 14 اگست سے تعلیمی ادارے کھولنے کا اعلان تو کیا گیا ہے، تاہم لاہور میں 3 مسلسل تعطیلات کے باعث عملی طور پر تعلیمی سرگرمیوں کا آغاز اب 18 اگست بروز پیر سے ہوگا۔

یہ بھی پڑھیں: عاصم منیر کو فیلڈ مارشل بنانے کا فیصلہ مکمل حکومت کا ہے، فوج کا نہیں، وزیراعظم شہبازشریف

یومِ آزادی کی تقریبات

حکام کے مطابق، 14 اگست کو سکول صرف یومِ آزادی کی تقریبات کے لیے کھولے جائیں گے، اس دن تدریسی عمل نہیں ہوگا۔ 15 اگست کو شہر بھر میں چہلم حضرت امام حسینؓ اور داتا دربار کے سالانہ عرس کے موقع پر عام تعطیل ہوگی، جبکہ 16 اور 17 اگست کو ہفتہ اور اتوار کی ہفتہ وار چھٹیاں ہوں گی۔