خواتین کی تصاویر اور ویڈیوز ایڈیٹ کر کے سوشل میڈیا پر پھیلانے والا ملزم گرفتار

اسلام آباد میں سائبر کرائم کی کارروائی

اسلام آباد (ڈیلی پاکستان آن لائن) نیشنل سائبر کرائم انویسٹی گیشن ایجنسی نے وفاقی دارالحکومت میں خواتین کی تصاویر اور ویڈیوز میں ترمیم کر کے انہیں بلیک میل اور ہراساں کرنے میں ملوث ملزم گرفتار کرلیا۔

ملزم کی شناخت اور الزامات

گرفتار ملزم اسد شیراز پر الزام ہے کہ اس نے بدنیتی سے شکایت کنندہ اور اُس کی بہن کی تصاویر اور ویڈیوز میں جعلی انداز میں ترمیم کی اور انہیں ٹک ٹاک اور واٹس ایپ جیسے سوشل میڈیا پلیٹ فارمز پر پھیلایا۔ ملزم متاثرہ خاتون اور اُس کے اہلِ خانہ کو مسلسل بلیک میل اور ہراساں کرتا رہا۔

قانونی کارروائی

این سی سی آئی اے نے کارروائی کرتے ہوئے جی0 اسلام آباد میں چھاپہ مار کر ملزم کو گرفتار کر کے ملزم کے خلاف پیکا ایکٹ سمیت دیگر دفعات کے تحت مقدمہ درج کر لیا ہے۔

ترجمان کا بیان

ترجمان این سی سی آئی اے کے مطابق ملزم سے تفتیش شروع کردی گئی ہے، ایسے عناصر کے خلاف زیرو ٹالرنس پالیسی پر عمل جاری رکھا جائے گا۔